一個可憐的故事 ~ 世上無 free lunch

 以前我同某期指期權名家吃飯時傾既話題 , 唔係個市 , 係落倉既困難 , 因為名家名氣太大 , 佢在港資證券行開既期指倉 , 一落倉做野就俾人跟 , 背後證券商盤房閒雜人等加多幾倍倉位 , 因為名家不留都可以贏開 , 所以唔覺意

但隨著越跟越多既倉位 , 引起了 market maker 注意 , 由於期指遊戲係一個 zero sum game , 你贏我輸無打和 , 名家既倉位贏錢開始有難度 , 之後贏錢開始有困難了 

100年前既江恩 , 同樣遇到呢個難題 , 所以..你地好難搵到江恩既 statement , 因為佢既倉係開在多個 [ 其他人 ] 既戶口裡 , 免被人跟到而喪失贏錢能力

今時今日 , 若果你得既話 , 應該盡量避免長期在某個戶口操作贏錢 , 時贏時輸係最好既 , A 倉揸 B 倉沽 , 利用不同既比例 , 去控制邊個戶口贏或輸 , 令跟你既盤房有機 [ 跟錯 ] 被 [ 跣親 ]

早幾年 , 周不時就有人 hack 我部腦內既軟件及計算價位excel , 當然 , 有 d 人係想靠 hack 到人就發達 , 以為跟到人落倉就會發達一樣 , 坐响度收錢

大家明左以上既故事 , 就明點解昨天有人入呢 [ 嘈怨巴閉 ] , 明明我有 [ 預測正確 ] 而沒有 [ 落倉 ] 的故事了

A 倉 B 倉 C 倉 , 邊個先係真正方向 , 邊個係戥倉 , 你估下先啦 , 大戶...仲多公司 / 人頭倉呀 ....你估下啦 , 四叔 d 世姪個個有間公司落唔同既倉 , 你肯定跟岩先好 

我奉勸當事人一句 ....小心 [ 跣親 ] , 你真係覺得我唔知你跟緊 ? 

與其花咁多精力時間去跟 / 估人 , 不如自己努力花時間學習做 trade 啦 , 我唔開班嗟 , 出便好多人開架 , 想贏錢的話 , 俾錢人駛下先啦 ....笨 

我只係一隻豬嗟 !!!

Yam