另一 [ 發人心醒 ] 的故事 ~ 別相信贏錢單據

 

睇完上個 post , 又分享另一個故事你知

以前 , 我間中都有 post 下 statement 既 , 後來因為有人質疑做假 , 已經決定唔 post 了 , 因為 ....假得太容易

事情又真係岩架 , A 倉 B 倉兩個倉 , 幾時開倉都 OK ,  A 倉買期指 , B 倉沽期指 , 任佢飄 , 結果係是旦一邊贏到開巷 , 但背後策劃者都係無輸贏 , 後果就係得到一個單邊倉既大贏既 [ 亮麗 ] 成果 , 可以供佢提出 [ 贏錢 ] 既證據去賣廣告 , 去收生 , 開皮倉 , 收會員睇片入會費

就算叫會計師 certify , 其中一個倉都係 [ 真贏 ] 架 ( 呢個亦係大行調教每年營虧的秘密 ) , 絕對無人可以質疑 , 當年輸左成間霸菱投行既李森就係將 d 輸既單收埋响一個 X account , 只係上報嬴既單搏一路升職 , 直至有人查數先爆左 X account 出呢 !

呢個亮麗 [ 廣告成本 ] 可能只係一個期指 bid ask 價 2 點 = $100 , 比起在 U du 賣廣告平好多倍 

有人話期權無得假 ....傻啦 , 玩 delta 對沖 , 仍可以一邊贏一邊輸 , 可能做假成本高些少 , 但都比 U du 廣告費平

而家好多所謂名家課程都有叫會計佬去確認 [ profit ] 單據搏你信架 ....講真 , 都係一種 [ 虛構 ] 廣告多 

週末了 , 問下自己有乜野係信得過既 ? 你可能越諗越驚了 

Happy weekend !

Yam