HSIF daily chart
Trade what u see
Yam
2026年8月21日星期五
2026年8月18日星期二
2026年8月17日星期一
絕世好 Q
天道崩 ( 天氣亂七八糟 )
人倫亡 ( 老千現今係最好搵既 s/ash 行業 , 仲免稅 )
市場亂 ( 今日唔知天日事 )
世道差 ( 正常人無乜野可以做 , 除非送外賣 )
數十年來 , 美國都係通過政治迫害 , 財政詐壓 , 以大欺小 , 製造意外事端 , 趁機再命令佢地國家既所謂對沖基金去世界上各個不同之外匯 / 金融 / 股票 / 商品市場....掠奪人地國家既財富
烏克蘭場仗本來已完 , 因為未夠數而繼續去拖慢 , 本應一粒導彈 3 分鐘能解決既事 , 拖足 4 年 , 如今又再捧伊朗上枱 , 又想開第二個 account ....
對各國既所謂徵關稅 , 攪左幾年先收到 1000 億 , 如果要抵銷 3 兆外億 , 係個無了期的奢望
惡毒行為背後 , 係一班邪惡精英聯手經營的分子 , 呢種行為幾時會停 ? 絕對唔會
所以我等拼命 / 聽命者 , 誓會死跟 , 直至該班人既財富 , 被我分薄之後再算
你跟唔跟 , 隨你 , 我就百份百啦
Yam
2026年8月15日星期六
2026年8月13日星期四
2026年8月12日星期三
世上不需要天才 ~ 只需要嚴守規則的人
https://m.youtube.com/watch?v=gQ8055zkOAY
1) 無論你看到什麼比天高的機會 , 別下重注
2) 芒格說得對 , 能讓人破產的 , 就只有酒精 , 女人 , 拱杠
3) 能活著生存才是賺 ~ Soros 如是說
能在投資市場裡賺的錢 ....就是 [ 不犯錯 ]
Yam
2026年8月11日星期二
香港 ~ 已變成一個鬼地方
https://m.youtube.com/shorts/pLlS_U4Zlp8
香港 , 現在已變成一個鬼地方 , 只要你諗下自己將來的下場就明
若果你後生冇錢買香港既 [ 天價貴樓 ] , 老來就要依賴政府排公屋 , 我來自草根階層 , 做過一次樓奴 , 已經怕怕了
不過唔好以為容易 , 就算排老人隊 [ 話 ] 會快 d .....你睇下篇報導
十年都上唔到樓 , 仲要俾 d 不人道既單位你揀 ~ 半間劏房咁 , 十年後仲排乜呢 , 可能瓜左啦
試問在香港勞役左成世 , 有咁既下場 , 有乜敢 / 感想
呢個理由 , 就係好多老人家回大陸住既唯一壓根理由 , 但唔係個個都有錢買樓既
我參考過社署既 [ 所謂 ] 老人福利津貼計劃 , 如果要攞每月長生津既 65 歲以上人仕 , 每年要佢返港 60 天
咁請問果六十天佢在香港住邊呢 ? 社福署署長請回答
酒店 ? 兩個月酒店可能係 3 皮野起碼 , 一年先攞 5 皮野老人津貼 , 要返香港停留果六十日駛左 3 皮 , 攪邊科呀大佬
5 皮野原本係夠在內地普普通通地養老生活既 , 但你要佢翻香港六十天咪即係半天吊 !!! 兩邊唔到岸 !!!
後生的你 , 將來千祁唔好好似我咁老而無錢 , 一係 , 一早選擇唔好做香港人囉
都係果句 , 呢件事係人人都要考慮既問題 , 並非遙不可及 , 香港地係迫你成功 , 迫你發達 , 唔俾你窮嗟
唔怪得好多人講對老人家既尊重程度 , 大陸係優勝一點 , 我老左先明
所以你地一係發奮買到香港既人為天價樓 , 一係唔好諗香港 , 趁早平平地供層大灣樓 , 老左住得舒適 , 單靠老人津貼已可過活 , 係上上策
其實香港政府既家底唔弱 , 何必攪到咁怨聲載道 ? 我地發債水平低於二成 GDP , 可以提高 , 活用港人資源 , 兩者都得益 , 人民又可活得更快樂 .....
Why not both ?
Yam
2026年8月10日星期一
有趣的廣告 ~ 投機炒賣真實的一面
個廣告既表達方式真的坦白可愛 ......
但佢說出的機率少左 10% ............
市場應該只有 15 % 人生存到架喳 , 否則庄家吃乜
個世界真係有咁多人唔想做.....覺得自己可以有資格俾人包 , 有趣
所以我之前講過 , 九運係老千年代 !!!
Yam
2026年8月9日星期日
2026年8月7日星期五
科技的進步 ~ 古老的技術
https://m.youtube.com/watch?v=p7uUfsJGdqM
血管健康的問題 , 是眾多病情的 [ 總持門 ]
如果能夠做到血管流動暢通無阻 , 氣血豐盈 , 咁就能達到身體健康了
片中說明了現代科技證明了 [ 打坐 ] 能做到了 [ 缺血性預適 ] 效應 , 從而將血壓調伏到正常狀態
[ 打坐 ] 係免費的 , 你只要每天抽出 15 分鐘就能控制到健康了
從我打坐三十多年之經驗 , 所得出之益處絕對不只一樣 .......心靈力量係另一樣
這亦解釋了所有宗教亦主張用 meditation ( 打坐 ) 去修 [ 身 ] ~ 延長身體健康再去實踐心靈的修煉
至於修心嗎 ? 又是另一個題目了
Yam (-_-)
2026年8月6日星期四
君子知進退 ~ 善用運氣
運氣 , 通常都一併前來 , 有跡象亦有先兆
早兩日買完杯咖啡 , 就有種幾好的預兆 .....888888
跟住就買左張八個字六合彩......
自從上次去完普陀山 , 見完文殊 / 普賢菩薩 , 過埋九華山 , 再遇善財童子之後 ......
無論我既思想上 , 實際上都有大進步
如果你知道你近來既運氣會轉好 , 當然就大大注啦 , 如果係差既就收下手
控制了運氣因素 , 便不會因輸而輸多了, 投資永遠都是 [ 羸在不犯錯 ] 中
咁點知當天自己運氣好壞呢 ? 每天開電腦做 trade 前閉眼亂插一次 USB ....機會 50 / 50 ....如果一插即中 ......就加倉啦 !!!
Yam
2026年8月5日星期三
Every breath U take
HSIF 15 mins chart
https://yamgroup2013.blogspot.com/2026/07/blog-post_31.html
每一次攪得更複雜既市況 , 只會令我更了解你既操盤模式........
I'm reading yr mind , God Press U
都係果句啦 ~ 甩到我算你羸 , 跟到你當你輸啦
Yam
2026年8月4日星期二
2026年8月3日星期一
光輝的 [ 死路 ] 一條 ~ 養老大灣區
https://m.youtube.com/watch?v=JQNmcaHczQs
https://m.youtube.com/watch?v=2DWtWxyiJDc
呢個係無論你有幾多錢都要諗既問題 , 有錢到大 L 咁仲煩 , 請得人多去服侍自己仲嘔血
政府安排得咁好 , 就算明知係死路一條 , 都要去架啦
不過建議社會福利處署唔好左難為右難為 d 申請者就更好了
佢地係服務使用者 , 唔係乞丐呀.....注意下你地既態度啦唔該
長者為社會貢獻左咁多年 , 係應該架
Yam
2026年8月1日星期六
[偽江恩千棍 ] 談未來世界經濟
將來整個世界經濟會點 ? ....一百年前已經寫晒出來 , 並不需要任何人去解讀
早幾年 , 有條江恩棍 , 睇到 Gann 呢個 table , 心想若果係真既 , 點解唔利用個 table 作為出書成名既好機會 , 所以以個 table 既內容 , 加多減少吹噓佢係江恩名家出左本書 , 又話自己預測到乜野 2017 是牛市 , 2018 是熊市 , 乜野預測到 QE ......股災等時機
我地睇番上便個 table ...江恩一百年前已經描述了 2017 是 high stock price ( 大升市 ) ....而 2018 是 panic ( 股災 ) , 而 2021 是 waste over extravagance ( 通貨膨 / 滯脹 ) , most money in circulation ( 即是 QE ) , much speculation ( Bitcoin ) , 又講 2023-2024 係大穫野 ....biz stagnated , despair / unemployment
其實該條 [ 江恩棍 ] 就係攞個表作內容 , 出本書利用個表去 [ 狐假虎威 ] , 扮先知 , 扮名家
該名江恩棍 [ 出書 ] 話係佢自己預測到既 , 真係天下間最大的笑話 , 懂 Gann 既 , 大家都知乜野叫尊重 , 我地係 credit 番前輩 , 所以先將個表作為大家既 reference , 出書都唔輪到佢出 , 要出書可以 , 唔該你講到明係江恩既預測 , 唔好話係你自己獨特 / 偉大既發現
江恩個表在互聯網已經存在左 N 年 , 你只要打上 [ 江恩 financial time table ] 幾十個版本都搵到 , 再打埋 Samuel Benner cycle ...就將來乜野經濟狀況都可以預測埋 , 駛 Q 聽你嗡咩 ....棍
學緊江恩既 , 麻煩講俾出便既人知 , 呢個就係 [ 江恩棍贏在轉勢日 ] 既經典老千故事 ...以正視聽 , 唔好俾佢呃啦 !!!
我已經無教 Gann 了 , 所以唔存在利益關係 , 完全係出心維護番江恩既聲名 , 證明佢一路都係抄緊江恩既預測 , 不斷作故仔跑龍套呃你而矣
江恩棍之 2017 年度預測
坦白講 , 我企左响香港江恩派十多年 , 絕對唔會無證據就去話人既預測係.....流既
有圖有證據 , 上便幅圖 , 你地可以隨便在網上搵到 .......係 [ 江恩棍語言藝術者 ] 書中在 2016 時對 2017 年恆指既預測 ( 佢成日講到係佢好準既預測 )
圖裡有兩個模式 , 網羅左向上 [ 或 ] 向下既 parity .....轉勢月佢偉大地列舉左 3 月 , 6月 / 7 月, 8月....9月 , 10 月 ....11 月....12 月係 [ 轉勢月 ]
其實即係只有一月 , 二月 , 四月 , 五月無轉勢 ........呢一堆廢話幾乎係等同無預測性既 [ 藝術語言廢話 ] , 一年 12 個月裡佢預測左 8 個月會轉勢 , 機率上即係無預測過 !!!
最後 , 佢話 2017 年最後見頂係 11 / 12 月 , 而事實市況剛巧相反 , 趨勢在 12 月作出是年最大既升幅 , 去到明年一月尾見大頂 33484 先回落 , 坦白講 , 佢岩既只有一樣 , 2017 係升市 ( 係人都預測到既 50% 機會 )
不斷去吹噓 / 無限 loop 自己預測中 2017 ....以為一千個大話就變成事實 , 往往就係呢一代年青人既 [ 死症 ] , 你可以用任何名 , 任何派別去形容你既 [ 語言大話藝術預測方法 ] , 但唔該唔好扮同江恩理論拉上任何關係 , 你配唔起佢個名 !!!
Yam
龍鳳錯配之 ~ 天仙配
0303 偉易達
.jpg)
江恩小虫千 KOL 今天 post 左幅贏錢圖出呢 , 搏你唔識 / 會 fact check , 信佢真係贏錢喎 !!!
圖中主角係 0303 偉易達 .....佢話平均成本買係 $34 ....而家升左 63.12% ....$55 沽左賺左 $76250
如果你就咁信佢 , 乜都唔睇 , 你就係豬一隻啦
我地睇番 0303 圖 , $34 個價只係在 2008 金融風暴底見過 , 之後 2017 年上左 $ 130 .....
疑點一 , 懂江恩既點解 $ 130 唔沽 , 今日會在 $55 沽左先話自己贏 $
疑點二 , 持貨 15 年先沽 , 即係你一點週期知識都不懂把握 , 反而近期在底部先沽出倉底蟹貨 , 理由何在 ?
疑點三 , 舊貨 hold 左 15 年先在低位沽出 , 我諗用 moving average 結果都會好過用你既所謂江恩 + 週期理論 !
疑點四 , 如果真係在今年底部買過野 , show 果張單出呢既效果總好過個舊倉蟹貨張單卦
唔知 / 懶得去 fact check 既人會以為佢真係贏 63.12% 好勁 , 可想而知 , 佢都真係江棍一條 , 嗡得就嗡 , 如果個案例係真的話 , 案例就將佢既專家 [ 真相 ] 表露無遺了 !!!
奉勸各位勿以耳當眼 , 好多野 , 睇深一層 , 便知龍與鳳了 , 我幾百個江恩學生 , 都好清楚佢乜料了
股市缸湖險惡 , 大家睇車啦 , 仲未提佢在 168 exit plan 被大戶震左出場既笑話呀 ........
有真材實料既又何需 [ 造圖 ] 作假去呃人呢 ......我真唔明呢一代諗乜 !!!
互聯網裡 , 大話穿過一次就一世架啦 , 又出書又寫雜誌專欄 , 你只令我諗起兩個人 ~ 王晶同張致恆
若然不報只是時辰未到 , 如今........時辰到了 , 唔係話帶串佛珠 , 諗幾句佛號就能過到骨 , 擋到災咩..........如今我地明白 [ 泥菩薩過江 ] 點解了
你既 [ 初心 ] 係錯的話 , 無常鬼總會上到你身 , 令你惹禍
禍福無門 , 唯人自招
Yam
訂閱：
文章 (Atom)