https://m.youtube.com/shorts/I88z4FaW1kE
本來諗住可以告老歸田, 原來科技已經可以去到延長生命軌跡
咁又唔同玩法了, 基因配對婚姻 [ 優生學 ] 一早已在星洲興起 , 估唔到而家已經成為主流研究 , 仲攪埋超級新人類 , 長命千歲添
咁.......資產...就可以無時間限制地放大 , 累積 , 摃扞化 ....可喜可賀了
[ 懂得玩 ] 既人最終會 dominate 左市場 , 每天以 N % 增長 , 直到永遠 , 或許此刻馬斯克已經大量獵殺緊吸血彊屍 , 將佢地既基因 , 改造 , 並注入人類身上 , 驚情 400 年了
問題係....你懂得玩嗎 ? 連續地去炒贏呀 ....唔識就入 Yam Group 學啦 , 5 月班就開架啦
大戶 , 無論點都要 insider 幫庄去配合玩法既 , 所以.....hhahhahahahh
明天.....開始 pak 番幾粒 NMNH 啦 ..........
Yam
.jpg)
江恩小虫千 KOL 今天 post 左幅贏錢圖出呢 , 搏你唔識 / 會 fact check , 信佢真係贏錢喎 !!!
圖中主角係 0303 偉易達 .....佢話平均成本買係 $34 ....而家升左 63.12% ....$55 沽左賺左 $76250
如果你就咁信佢 , 乜都唔睇 , 你就係豬一隻啦
我地睇番 0303 圖 , $34 個價只係在 2008 金融風暴底見過 , 之後 2017 年上左 $ 130 .....
疑點一 , 懂江恩既點解 $ 130 唔沽 , 今日會在 $55 沽左先話自己贏 $
疑點二 , 持貨 15 年先沽 , 即係你一點週期知識都不懂把握 , 反而近期在底部先沽出倉底蟹貨 , 理由何在 ?
疑點三 , 舊貨 hold 左 15 年先在低位沽出 , 我諗用 moving average 結果都會好過用你既所謂江恩 + 週期理論 !
疑點四 , 如果真係在今年底部買過野 , show 果張單出呢既效果總好過個舊倉蟹貨張單卦
唔知 / 懶得去 fact check 既人會以為佢真係贏 63.12% 好勁 , 可想而知 , 佢都真係江棍一條 , 嗡得就嗡 , 如果個案例係真的話 , 案例就將佢既專家 [ 真相 ] 表露無遺了 !!!
奉勸各位勿以耳當眼 , 好多野 , 睇深一層 , 便知龍與鳳了 , 我幾百個江恩學生 , 都好清楚佢乜料了
股市缸湖險惡 , 大家睇車啦 , 仲未提佢在 168 exit plan 被大戶震左出場既笑話呀 ........
有真材實料既又何需 [ 造圖 ] 作假去呃人呢 ......我真唔明呢一代諗乜 !!!
互聯網裡 , 大話穿過一次就一世架啦 , 又出書又寫雜誌專欄 , 你只令我諗起兩個人 ~ 王晶同張致恆
若然不報只是時辰未到 , 如今........時辰到了 , 唔係話帶串佛珠 , 諗幾句佛號就能過到骨 , 擋到災咩..........如今我地明白 [ 泥菩薩過江 ] 點解了
你既 [ 初心 ] 係錯的話 , 無常鬼總會上到你身 , 令你惹禍
禍福無門 , 唯人自招
Yam
將來整個世界經濟會點 ? ....一百年前已經寫晒出來 , 並不需要任何人去解讀
早幾年 , 有條江恩棍 , 睇到 Gann 呢個 table , 心想若果係真既 , 點解唔利用個 table 作為出書成名既好機會 , 所以以個 table 既內容 , 加多減少吹噓佢係江恩名家出左本書 , 又話自己預測到乜野 2017 是牛市 , 2018 是熊市 , 乜野預測到 QE ......股災等時機
我地睇番上便個 table ...江恩一百年前已經描述了 2017 是 high stock price ( 大升市 ) ....而 2018 是 panic ( 股災 ) , 而 2021 是 waste over extravagance ( 通貨膨 / 滯脹 ) , most money in circulation ( 即是 QE ) , much speculation ( Bitcoin ) , 又講 2023-2024 係大穫野 ....biz stagnated , despair / unemployment
其實該條 [ 江恩棍 ] 就係攞個表作內容 , 出本書利用個表去 [ 狐假虎威 ] , 扮先知 , 扮名家
該名江恩棍 [ 出書 ] 話係佢自己預測到既 , 真係天下間最大的笑話 , 懂 Gann 既 , 大家都知乜野叫尊重 , 我地係 credit 番前輩 , 所以先將個表作為大家既 reference , 出書都唔輪到佢出 , 要出書可以 , 唔該你講到明係江恩既預測 , 唔好話係你自己獨特 / 偉大既發現
江恩個表在互聯網已經存在左 N 年 , 你只要打上 [ 江恩 financial time table ] 幾十個版本都搵到 , 再打埋 Samuel Benner cycle ...就將來乜野經濟狀況都可以預測埋 , 駛 Q 聽你嗡咩 ....棍
學緊江恩既 , 麻煩講俾出便既人知 , 呢個就係 [ 江恩棍贏在轉勢日 ] 既經典老千故事 ...以正視聽 , 唔好俾佢呃啦 !!!
我已經無教 Gann 了 , 所以唔存在利益關係 , 完全係出心維護番江恩既聲名 , 證明佢一路都係抄緊江恩既預測 , 不斷作故仔跑龍套呃你而矣
江恩棍之 2017 年度預測
坦白講 , 我企左响香港江恩派十多年 , 絕對唔會無證據就去話人既預測係.....流既
有圖有證據 , 上便幅圖 , 你地可以隨便在網上搵到 .......係 [ 江恩棍語言藝術者 ] 書中在 2016 時對 2017 年恆指既預測 ( 佢成日講到係佢好準既預測 )
圖裡有兩個模式 , 網羅左向上 [ 或 ] 向下既 parity .....轉勢月佢偉大地列舉左 3 月 , 6月 / 7 月, 8月....9月 , 10 月 ....11 月....12 月係 [ 轉勢月 ]
其實即係只有一月 , 二月 , 四月 , 五月無轉勢 ........呢一堆廢話幾乎係等同無預測性既 [ 藝術語言廢話 ] , 一年 12 個月裡佢預測左 8 個月會轉勢 , 機率上即係無預測過 !!!
最後 , 佢話 2017 年最後見頂係 11 / 12 月 , 而事實市況剛巧相反 , 趨勢在 12 月作出是年最大既升幅 , 去到明年一月尾見大頂 33484 先回落 , 坦白講 , 佢岩既只有一樣 , 2017 係升市 ( 係人都預測到既 50% 機會 )
不斷去吹噓 / 無限 loop 自己預測中 2017 ....以為一千個大話就變成事實 , 往往就係呢一代年青人既 [ 死症 ] , 你可以用任何名 , 任何派別去形容你既 [ 語言大話藝術預測方法 ] , 但唔該唔好扮同江恩理論拉上任何關係 , 你配唔起佢個名 !!!
Yam
現在講 AI 講到咁神 , 但其實我 30 年前已經將自己個腦 AI 升級了
我 21 歲已經明白以勞力搵錢 , scale 會隨年紀大左而縮小 , 所以當時已開始寫下投名狀 , 立志研究炒賣入行 , 因為職業生涯長 , 即係可以搵錢既時間多 , 更有趣既係 , 隨著你炒齡越多 , 搵錢能力會隨經驗成正比地擴大 , 咁當然係好值得花心機去做既事啦
當年炒外匯 , 入艇仔行 , 連報價機都要同大家 share ...你無聽錯 ~ 係報價機
當時仲未有而家既圖表機 , 我地睇緊既 Reuters / Telerate 綠色字體既純報價機 !!!
想知匯價既上落趨勢 , 係要不斷用眼釘緊報價機 , 將跳動緊既價格 , 輸入自已個腦 , 數埋時間 , 將佢變成一支一支腦海裡既虛擬 barchart , 記住若干個時段後 , 就形成了一幅腦海圖表 , 就可以去揸沽落倉押注了
最令我有深刻記憶既就係頭肩底 / 頂 , 因為價格最易分到 ....最易認
同而家既 AI 一樣 , 我當時就係咁喂 d [ 數字 ] 俾自己 , 做 grouping , 做 mapping , 然後得出 [ 結論 ]
有左當時既 AI 訓練 , 而家睇圖真係易好多 !!! 所以叫你地多 d [ 喂 ] 圖表俾自己睇就係咁解啦 !!!
我比起而家既 AI ....行早左 30 幾年 , 仲有 N 咁多資料去運用 / 分析添 ....
咁你地而家應該明 Yam blog 點解用呢個顏色啦 ......螢光綠的 Monitor ...睇慣左
https://m.youtube.com/watch?v=-BUZ_zRAmf0&list=RD-BUZ_zRAmf0&start_radio=1&pp=oAcB
記唔記得邊部遊戲機呀 ? 打爆過未呀 ?
Yam
HSIF 1 分鐘圖
好多人覺得炒賣好難 , 但只要你夠細心 , 找出一些 TA 裡必然發生既證據 , 就能掌握正確趨勢了
今早起來 , 係咁意睇睇港期幅圖 , 幾乎七成既轉角位都有 key reversal bar 出現
你覺得難可能只係你未夠細心而矣 , 單用 Technical analysis 既 skills 已經足以令你 master 到唔少轉角了 , 又點會難呢 ?
收緊你的 [ 專注度 ] , 事情就會比你想像中容易了
仲有一句 : 即市趨勢中....永遠與主流大勢成反走勢 ....作用係乜 ?
唔俾你跟到大勢一齊贏....即市逆住你心理要你平倉離場 , 攞埋你張倉位 , 明天跳左上去你又追.....跟住又回落
不斷重複呢個 [ 心戰 ] 動作嚇你 .....一路殺倉 , 一路上 ....中間令你無法跟到大市贏錢但又俾佢利用緊你既倉位
Yam
在金融市場 , 每個人都為五斗米而折腰
但唔係個個都能過五關斬六將 , 最後取得利潤
關鍵就是 [ 看破 ] 市場 .....跟貼市場 [ 步伐 ] , 做對市場 [ 節奏 ] ....呢幾句廢話
從此.....Yam Group 又多了一批強者了.....股海裡的明日之星 ( 自己知好啦 , 唔好出名呀 , 出名後令人腐敗 , 失去自我 )
行到呢一步既 Yam Group Member 絕對唔容易 , 亦唔係偶然 , 繼續啄磨自己 , 千錘百鍊始能練出一身真功夫
切勿怠慢 , 每天比常人 read 多一點點 , 便能在人群中出頭了
AI 大勢影響唔到你 , 影響到你既只有你自己既附加行內知識 / 價值
Yam
間尺一把 ( 畫線用 , 可以用紙摺角當係 ) , 圓規一把 ( 量幅度用 ,可用手指當係 )
鉛筆 ...無代用品啦掛 , 若果要 load 軟件的朋友 , 一隻 USB 手指
要交費的朋友 , 自備信封入起寫上自己名 / email , 要過數的朋友可到場做 Wechat , Alipay , FSP 都可以
Lesson will begin @ 2:15 pm
如有問題可先打 911 或 後 whatsapp 我 @ 9 xxxxxx 8
See u
https://m.youtube.com/watch?v=qgSINhYyp2Q
Regds
Yam
HSI cash monthly
https://yamgroup2013.blogspot.com/2026/03/blog-post_31.html
又反轉 !!!
咁就 298 / 310 架啦喎
Yam
每星期你只要睇一次宏觀圖表
就應該知道你想落場買賣既產品俟左邊未 ?
咁對你既倉位就好有幫助了 , 因為所有野都係 Top macro down 既 , 你無可能攞住幅一分鐘圖睇到大趨勢 , 反之你攞住幅大圖就多數唔會做錯野了
再者 , 江恩建議你每次既 [ 可失去 ] 注碼 , 不應超過你總資本既 10% , 呢個守則幫過我渡過好多混淆既危機 , 保持番個倉既健康
在市場裡行軍打仗 , 軍糧係最重要既 , 只要 keep 住個倉既健康 , 先有機會落場再戰 , 否則 , 就連戰既資格都冇了
到時....就算有超級無比既技術都係無用武之地
所以連索老 / 畢老咁強都只係得一間屋 , 炒家係唔會亂使錢既 , 因為佢地明白市場隨時有機會俾佢地 double , 信奉 cash is king 呢個炒場鐵律
Yam
昨天剛開完年度 Workshop 第一堂 , 佢地已經 encounter 我了
可想而知 , 我地作為 [ 人 ] 既每天行為操守都已被天界 Matrix 監管 , 通通記錄並上存 [ 亞卡西 ] , 無一倖免
只有某些人係會被特別照應 , 考牌中的 [ 指導靈 ]
我遵守師父既教誨 , 好少同天界交流 ....所以佢地對我既 appraisal , 我當然接受 , 但不會有太大反應 , 知就算了
不過呢二十年來 , 佢地對我既照顧 , 我係感因既 , 時刻在提點我既操守 , 我先會行到今天咁自在 , 自律而放得下
今次 444 Angel Number 係正面的評價 , 我會欣然接受 !!! 阿門
我已受監管 , 你地 ? .....自己諗吧 , 萬事小心 , 唔好行差踏錯
舉頭三尺有 X X ..........
Yam
昨晚完了第一堂天星堂
有參加朋友 whatsapp 我說 , 匪夷所思 , 亦有朋友 whatsapp 我話大開眼界
坦白講 , 我未懂之前 , 都係戰戰兢兢地炒 , 懂了之後 , 就可以...等.....了 ( 世上有幾萬隻野 , 你大把選擇 ...pick your right choice , Gann only pick a few one , u know what I mean !!! 揀幾隻曾經幫你賺到錢既....已經可以令你安渡一生了 )
在你地既立場 , 現在要做既就是多睇 , 重睇以前既市場 / 股票歷史及了解佢地點樣發生既真正 [ 原因 ] , 你對佢地越熟 , 將來就帶俾你地越多既利潤
等我回一回氣 , 今天晚上會開番個群組 , 昨晚有好幾個 email 無法傳遞 , 所以個 software 俾唔到你地 , 有待今晚可能在群內傳出 , 有同學仔找到下 download link , 暫時 , 你地可以真係 [ 空手入白刃 ] 地去做野 , 同江恩 100 年前一樣 , 或許你就明得更多了
2026 Workshop 名叫 [ 空手入白刃 ] .....係描述江恩當年對成功既熱誠同勤力 ! 向佢致敬 * *
你們可能是天選之人 , 銘記自已既承諾 , 就是確保更多既利潤落入你手的唯一條件
I am just the door keeper ....
You know why you are connected to Yam Group ....1000 years before
See u next week
Regd
Yam
一千年前 , 有一群人 , 經歷過苦難貧窮 , 建立起自己既 fellowship ....
佢地既成功 , 靠的就是 [ 互相信任 ] , 保存彼此之間的秘密......
貧窮不是罪 , 貧窮而不上進 ....甚至背叛....才是
Yam
由於有幾天公眾假期 , Workshop 租用之場地正門大堂入口將會上鎖
敬請從大門右手之停車場入口搭𨋢前往
入門請說出樓層正確地址便可 , 如有疑問 , 可致電或 whatsapp 本人
Regds
Yam
抱歉地講一聲 , 星期六之 Workshop 原本只準備 [ 半班 ] 人數找場地而開 , 現在原本考慮五六月上堂之朋友 , 紛紛提前想出現早著先機.........
所以 , 場地方面可能會有點擠迫 , 請各人自備口罩 , 保持個人衛生 , 用電腦既在家义足電 , 因為未必夠插座用
見諒 !!!
其實內容唔複雜既 .....重點三分鐘講晒 ....
自備一把小型間尺得架啦 , 足以玩起晒成個金融市場了
See u all Saturday
Yam * *
