HSIF weekly chart
一幅圖美麗與否 , 係建基於精確之 [ 比例 ] 同 [ 角度 ]
如果兩樣都有 , 就好容易顯現出佢既方向
尤其是學左 PT 既學員 ..........try more & U will get it !!!
Yam
2024年7月4日星期四
2024年7月3日星期三
大眾之福祉
在香港 , 存在著醫療死結 , 就是 [ 輪候 ] 診斷困難症
意思就是好多人 , 等到死果日 , 都未可能輪到照片 / 診斷 之階段 , 如果可以早一點 diagnosis , 病人存活之可能性便可以增加
以往 , 公院應對此事既方法 , 就是轉介病人出私人醫療機構處理
當然 , 富有而嚴重病人就會一早去攪 , 但我等窮鬼 , 就真係唔出事先去理啦 , 原因可能係私院仲係好貴 !!! 未能為一般市民接受到
近期 , 聽說香港向大灣購買醫療服務 , 此舉係好事 , 因為大灣剛剛填補了香港既缺憾 , 無人 , 無機 , 醫生少 !!!
尤其香港好多大學醫學聯營已經在深圳設立了醫院 , 知名度亦可接受之餘 , 好多朋友已經轉往深圳投診 , 費用可能只係三份之一
如果能夠物盡其用 , 就是港人之福了 , 上便既醫療檢查套餐 , 如果放在深圳做 , 可能一半價錢都唔駛 , 希望睇到呢篇文既有關人仕 , 向大灣醫院推介仿傚 , 就能令更多人用較平之價錢 , 早日得知自己身體狀態如何 , 早作打算
而香港 , 亦可研究在北區設立 24 小時小巴 , 通往深圳醫院急證室 , 令香港人可以 24 小時求診 , 減輕香港醫院既負擔
病從淺 ( 不是錢 ) 中醫 , 係最有成效既.........切勿擔誤自己既時間 / 身體
Yam
2024年7月2日星期二
星星不說謊 ~ 時來則運到
又係一個 emblem
我諗 .....若干年前 , 當佢仲係在台灣街邊賣緊檳榔既時候
也曾好似每一個人咁在懷疑人生 , 唔知將來會點 ?
但又點估得到命運是何等曲折離奇 / 奧妙呢 !!!
唔好誤會 , 其實我都幾欣賞佢 , 我有佢本寫真集架 ( 新年用利是錢買既 ) , 即係我早知佢會變鳳凰啦
雖然豬皮佢個樣有點怪 , 但當佢靜下來的時候 , 你就會感受到佢前半生既苦澀味 , 掛在面上 .......
個天就係咁玩野架啦 , 你吹咩 !
Yam
重操故業
Yen monthly
呢個假期 , 我睇番晒好多外匯 , 商品圖 .....有個新既決定 ~ 重返匯市
20 年前 , 因為友人既關係 , 由匯市走入港期 , 當時仍有相當大既波幅 , 但近年 , 大家都知道係乜環境 , 股市冷淡得可怕 , 加上庄家唔想派錢既習慣越來越大 , 港期既 POOL 已經每況愈下
其實我係預左既 , 因為之前寫 1841 一百八十年週期到之時 , 已預測香港經濟必受打擊 , 亦寫明起碼需要 5 - 7 年始能打底康復 , 如今仲有幾年先可見天日 , 即係話 , 香港經濟仲要捱多幾年
Macro 經濟差 , 市場當然唔活躍啦 , 波幅亦大不如前 , 你想玩大 d , 庄家即時 [ 拖慢 ] 個場 .........三幾百張期權一個行使價 , 佢已經消化不良 !
反觀外匯市場 , 波動大增不少 , 如我既最佳拍檔 [ 日元先生 ] , 早幾個月 workshop , 我已指出其趨勢 , 至今仍然 on the way .....
Forex 市場 , 係世界級既市場 , 唔似單一市場 , 只被一班井底之蛙庄家操弄 , 當然 , 佢亦有 [ 簡唔中玩下野 ] , 不過 , 經我呢兩天既溫習 / 研究 , 如果你係 Gann 友的話 , 你一定係玩野中之 [ 受益者 ] , 何解 ? 外匯市場 , 大佬就係大型銀行級既 [ 江恩指揮 ] ......明未 , 仲有就係外匯 / 商品市場個海大到無底 , 大大都受得起 !!!
Soros 沽磅 , 又經過了 30 年週期 , 我相信有 d 大錢會郁了 , 因此外匯同商品市場 , 應該進入 [ 活躍期 ] 了
所以 , 我會花多些時間 , 去 trade 果 d market , 因為 , 一旦佢地 [ 郁左 ] , 起碼有一年半載既趨勢 , 唔似得港股咁....一有人入去 , 佢就兩頭郁
有興趣既 , 可以參加遲些開番既月會
將來見
Yam
訂閱：
文章 (Atom)