話說回來

 

咁係咪話發達只係 [ 好命 ] 既副產品呢 ?   又唔係喎

首先要界定何謂發達 ! 每天搵幾千 ....一次搵十萬 , 一次搵幾球 ? 

發達定義人人不盡同 , 我不認同財務自由即係要有好多錢 , 自由既意義來自 [ 自主 ] , 只要你有錢駛 , 就是自由之根本 , 如果你好似小甜甜咁有好多而唔願駛既 , 你只係財 [ 困 ]  , 唔係財務自由

如果命差既 , 有不同既意思 , 可能係不能累積 , 不能過份進取 , 又或者搵完又駛左 

以上幾種所謂命唔好既 , 可以達成財務自由既只有一個選擇 , 餐搵餐食餐餐清 ~ 只爭朝夕..........

只要你有一個技能 , 每天都能搵到的話 , 其實 , 你同醫生 , 律師無分別 , 天天做同樣既野 , 搵到既就同佢地一樣 , 而只要你將戰場拉濶拉長 , 就等同將壞運 hedge 左 , 又如果你懂得壞運日子停賽 , 就等同從壞運裡逃避 / 生一樣 , 咁你過既生活 / 收入 , 咪等同專業人仕一樣 , 從而達到 [ 財自 ] 囉 

如果你真係想一鋪贏左全世界 , 你先要諗下自己條命 ~ 能唔能得起 , 會否翻艇啦 , 外國好多 day trader 都可以好輕鬆天天過舒服日子 , 又未必會同 Soros 一樣 , 鋪鋪同英倫銀行對賭身家 ......你自己諗下你係邊種人先啦 

講咁多野 , 其實都係想你跟我學 [ 三秒定揸沽 ] 嗟 , 不過.....我又未必開班喎 , 咁又係咪你既命呢 ?

好多野 , 遇不上就遇不上 , 仲唔係命 / 時間性 / 因緣性 ?   把握與否先係勝負之所在

[ 一生都是命 , 半點不尤人 ]  , 只岩一半

Yam