發人心醒

在發表了開 Workshop 既 post 之後 , 收到封 email , 幾有趣 , 所以分享下 

信中人話既然未來既世界及經濟會咁差 , 點解仲要花錢學炒賣呢 ? 留番 d 錢去活命咪仲好 ! 

我唔知你地既睇法係點 , 我或者分享下對呢個問題既個人睇法 .....

我係一個天生唔信命既人 ( 天王在天頂 , 火星十宮 , always 信革命 , 信乜都人定勝天 )  , 耐何經過了數十年洗禮 , 已經 [ 純 ] 晒 , 即係....明白好多野一定會依 karma 出現 , 分別只係 macro 定 micro

Macro 既 ....即係外圍世界級既因素 , 我地好難改變 , 無論作了任何充足既準備 , 都不能避免有影響 , 情況就如 97 金融風暴 , 當大部份人趕上最後一班車買樓 , 我反而係賣樓既一個 , 我受益左 , 但身邊既人有理財不善而要我提供金錢協助 / 照顧 , 數量仲係唔細 , 我由受益變番常人 ....我因大圍經濟環境因素影響到我身邊 , 再牽連埋我 .........

Micro 既 , 之後其實我如常渡日 , 繼續在嘉湖山莊開始自己炒賣 , 自己管理自己 , 並無因為 97 金融事件攪出困難 , 反而係一個好的開始 , 因為賣左樓支持到我做炒家

同一事情 , 往往有兩面睇法 , 我地而家知道 2023 - 2024 可能係大底 ....係可能咋 !  好多人會好驚惶 , 同 3 月 182 底部一樣 , 如果你仍然覺得會下跌 , 又或者懷疑緊 , 你係唔會入場做任何野架 , 寫信問我既人可能真係咁被動 , 等再下跌股災出現後先買貨 

在人最迷惑既時間 , 就應該係一個好大既取捨時機 , 可能你會錯 ( 先衡量錯唔錯得起 ) , 但如果岩的話 , 回報就係好高了 , 只要你準備好 

我唔敢話唔會發生政經事件 , 又或去到打仗層面 , 我只希望係類似美國打伊拉克果種區域戰 , 而唔係世界大戰 , 咁...個世界會好快回復秩序 , 你亦應盡快 pick up 你既炒賣功夫入場去買野 .......做第一批得益者 , 就如江恩預測第一次大戰結束後贏到開巷一樣

但如果真係世界級既戰爭開始 , 有無跡象 ?  Bill gates 舊年已完成買地 , 做左美國最大農地既 landlord ( 地唔同樓 , 係幾時都值錢 even 打仗 , 打完仗都仲係你架 ) , 仲買左架氢 ( hydrogen ) 發動遊艇 , 可以不需補充 , 在海上航行三個月至半年不上岸 , 各大富豪都已有 Air jet plane , 半個鍾內可以離開 , 飛向世界各大中立國避災 , 智慧高下立見 , 飛機被擊落 , 九死一生 , 遊艇嗎 .........

而你就想留番一萬幾千學費 , 請問可以用在那裡 ?  夠你捱幾耐呢 ?  去到果個地部 , 其實學 Trump 咁 , 買樽漂白水飲左佢把啦 , 現在既世界級大戰 , 應該唔同以前 , 一旦爆發 , 人類應只能存活十分一 ( 係我保守估計 )    , 可能更少

當然 , 我地大家都係賭一鋪 , 我賭佢係細規模 , 但難補我會估錯 , 你都係留番果一萬幾千 , 同買定樽.....漂白水啦 , 仲有 , 快 d 去高槓桿向銀行借多多錢 , 睇下到時 [ 錢 ] 有無銀用 ?  至於炒賣技巧嗎......係一世既 , 如果打完仗你仲存活 , 識炒既人死晒 , 你懂炒就係 [ 王 ] 架啦 

錢有用既 [ 金 ] 就唔會升啦 .........

以上只是個人立場 , 與本 Blog 無關 

Yam