弦外之音 ~ 炒家是迫出來的

 

反正講開歷史 , 不如就再講下有些弦外之音 

就在我入左嘉湖開始做個全職炒家之時 , 一波未平 , 一波又起 , 先前講已要金錢協助身邊親人 , 一生最愛既女朋友老豆因為見到我開始無正職 , 全力去攪炒賣 , 判左我係問題青年 , 所以開始反對我地來往 , 仲在一個快過李三腳既時間內 , [ 突然 ] 將我女友送左去外國讀書 , 當晚我去佢屋企 ( 門高狗又大高級跑馬地住宅 , 當時我顯得極度蟻俠般渺小 ) 上門找佢老豆問既時候 , 佢已經拒絕回應 , 叫我死心 / 番去啦咁 .......

Why Me ?  呢種劇情好似熟口熟面 , 成日在電視見到 , 原來 ....係真架 , 當時當然係痛不欲生 , 但現在則是大自在 ( 有乜好得過人到中年發達死老婆中六合彩呢 , 生命既安排確有其玄妙之處 )

試問 , 一個只係想做自己喜歡既野 , 發緊春秋大夢既人 , 原來有罪架 , 係會晴天霹靂 , 多重打擊下 .....down ......左 

以咁既壓力 , 咁既心情同環境下 , 你覺得炒賣成績會如何 ?  當然大穫啦 

成績跌到單月 Drawdown 20% ....一便仲要每月付錢協助人 , 另一方面自己又要生活 , 仲要一定要炒贏 , 壓力大到不得了, 被迫停下來反思 , 又從新再 backtest , backtest , leverage down trading size , 慢慢去適應 

最差既時候 , 甚至停賽 , 因為我知道在這情況下 , 不得不妥協 , 現在睇番 ....咪就係 Grand cross 大十字囉 ....星星不說謊呀 , 原來 97 賣樓賺既錢 , 就是星星底頂互換既契機 , 亦即我地中國術數中之 [ 忌祿沖 ]  , 好壞交替時刻  

好景不常 , 屋漏偏逢連夜雨 .....如是者捱了三年 ........開始有轉機 , 江恩野開竅了 ......why 3 years ....U bet ?

請大家記住 , 順風順水時就是衰落的開始 , 極度衰落就隱藏著即將盛開的繁榮 , 你既耐力堅韌從來就係咁累積 / 迫番來的 , 別怕 , 基於星星不說謊的定律 , 壞的總會過去 .........只要你未去跳樓 , 服毒 , 尋死

人生 , 其實無乜野值得大驚小怪 ....去余仁生買包消遙散食下 , 就消遙了 

https://www.youtube.com/watch?v=tzOhVTjEcyo

放下 , 則自在     -_- 

Yam