仁義值千金

 

今午與兩位學生吃飯 , 因為身體上有問題要請教下佢地既睇法

話明身體上既問題 , 當然係健康既問題 , 西醫我唔太想睇 , 只願意用中醫藥理去調教 , 因為西葯吃得入口既 90% 係毒藥 , 我在澳洲既表親 , 係大葯廠 P 字頭既終身顧問 , 亦係佢叫我有病睇中醫既 ~ 一笑 

我以前講過 , 人生有 4 種朋友 , 你一定要經常交往

第一種 , 懂投資炒賣既高手

第二種 , 懂避稅既會計

第三種 , 懂法律既律師 ( 以結果論 , 唔係以常識論 , 大家明架啦 ) 

第四種 , 懂醫病既醫師

其實仲有第五種 , 懂得玩既 .............

本來我有一個好好既中醫師朋友 , 但因佢已經做到出左名 , 而我又係一個唔想打攪人既人 , 佢出名之後都有叫我搵佢 , 第一次去到佢辦公室 , 人山人海 , 我第二次就無去了 .....第世唔想還 ! 

人生在世 , 最緊要係懂得搵 , 唔好太貪心 , 有病有人識醫 , 有事有人出頭幫手 .....其他既 , 隨便吧 

幾十年寒暑 , 好快過架喳 , take it easy 

感謝今午果兩位專業人仕既意見 , 此時此刻咁既惡劣環境 , 能坐埋一枱就是緣份 , 世上知識咁廣 , 各人有各人既專長 , 邊識得晒呢

當我係病人俾錢佢地又唔肯收 , 為左唔想欠人 , 我都提供左一些做 trade 既意見作交換 ......win win situation ....一樂也

今時今日 [ 仁義 ] 係咪 old school ?  以前個中醫老友同我講 , 醫好一個壞人佢會出去害更多既人 , 醫好一個好人佢會幫到更多既人 , 咁係乜令佢出手醫唔醫果個病人呢 ? 

有仁有義者走遍天下 , 無仁無義者寸步難行 !!!

Yam