別為他人作嫁衣裳

我教過好多學生 , 唔知點解 ...有 d 人真係唔知點解 , 方法明明有效 , 佢自己又唔去 Trade , 遍遍就要整色整水攞去賣 , 攪乜野江恩課程 , 自然法則課程呀分享會呀咁....最旺既時候 , 成街都係江恩權威 + 自然定律高手 , 初頭好似有客 ....到而家 , 死得 8899 了


最強既野 , 我當然冇教啦 , 若果唔係而家會俾人話 [ 人地 ] 先係我師傅囉 !


就算我冇教最強既野 , 大部份我教既東西 , 到現在在各個市場都係 work 緊既 ....亦證明 profitable ... 仲有人抄呢出書添


佢地自己唔 Trade 而轉去誤導倉生 , 得一個理由 , 一係冇膽 / 冇耐性 , 一係想玩 OPM  ( Other people's money ) , 因為輸既係人地既錢 , 贏左有得分 , 何樂而不為


所有想入呢個行業既人都係想行呢一步 , 所以首先佢地會入一些  [ 十九證券行 ]  ,  靠住間行既客 , 好運既慢慢就達成願望 , 唔好運既咪又做番獨立股評人 , 搏有人信 , 攝下稿 , 搵餐食囉 


香港既行分幾個 Grade , 開戶要自己睇清楚啦 .....分別係乜.....你係投資者 , 你攪清楚先啦 ! 


我見好多扮勁 / 權威投資網站 , 都係攞人地 d 盤房既單出呢威 , 話係自己贏既去昆客 , 跟住上堂開班  !   


除期權單外 , 所有期指 , 股票單都可以做假 , 只要多次買賣 , 出示一對配對到既正數利潤單據 , 就可以呃人了 , 期權單都可以假 , 不過成本重 ...


作為羊 , 就要好清楚羊既行為先可以避免俾人昆啦 .....日後自己睇路啦


話得自己係叻既 , 就當然同自己賺啦 , 何需為他人作嫁衣呢 ? 


你幾時有聽過   [ 江恩要收客 ]  , 幫人炒呀傻仔  .... 我就真係開過班.......搵人幫  [ 我 ] 炒嗟 .....




Yam