古人講人有三條死數睇住你一世
何謂 3 條數 ?
天數 , 你出生之時 , 天上既七政五行星星
地數 , 你在何方出世 , 當時既風水地運對你既一生影響
人數 , 出生時既時辰八字, 相對你一生既禍福
上便條飛中左複式八中四 , 其實係一連患既 [ 死數 ] 巧妙地拼成, 舉個簡單既例子 , 開獎當日天空上有 3 組星星三合我出生 natal , 再者紫微斗數流月祿存照命 , 仲有八字年干月干從疊丙火 ~ 為我所用 , 最後就係八白財星到門 , 最近無啦啦將把風扇搬左去果道..吹
全部係我今天查飛先複核出來 , 事前無考慮既 , 命無得改 , 又一鐵證
所有野都係精確既科學 , 同坊間講 [ 玄學不是精確科學 ] 剛巧相反 !!!
同 trade 野一樣 , 以上既野到左步你先會明 , 唔明既只係你未到步 .....
9 月 5 號 [ 2 億六合彩 ] 見 ....Good luck ....to me
其實點解我唔利用好運日子過大海呢 ? 一皮過十鋪變 1000 萬 , 考慮中 ......hhahhahah
江恩當年都係咁架喳
Yam
HSI cash index yearly chart
2026 年 [ 連線圖 ] 出現既可能性都幾乎出現晒
現在仍是在 [ 中位 ] , 餘下 4 個月 , 仲會點郁 ?
Yam
天道崩 ( 天氣亂七八糟 )
人倫亡 ( 老千現今係最好搵既 s/ash 行業 , 仲免稅 )
市場亂 ( 今日唔知天日事 )
世道差 ( 正常人無乜野可以做 , 除非送外賣 )
數十年來 , 美國都係通過政治迫害 , 財政詐壓 , 以大欺小 , 製造意外事端 , 趁機再命令佢地國家既所謂對沖基金去世界上各個不同之外匯 / 金融 / 股票 / 商品市場....掠奪人地國家既財富
烏克蘭場仗本來已完 , 因為未夠數而繼續去拖慢 , 本應一粒導彈 3 分鐘能解決既事 , 拖足 4 年 , 如今又再捧伊朗上枱 , 又想開第二個 account ....
對各國既所謂徵關稅 , 攪左幾年先收到 1000 億 , 如果要抵銷 3 兆外億 , 係個無了期的奢望
惡毒行為背後 , 係一班邪惡精英聯手經營的分子 , 呢種行為幾時會停 ? 絕對唔會
所以我等拼命 / 聽命者 , 誓會死跟 , 直至該班人既財富 , 被我分薄之後再算
你跟唔跟 , 隨你 , 我就百份百啦
Yam
https://m.youtube.com/watch?v=gQ8055zkOAY
1) 無論你看到什麼比天高的機會 , 別下重注
2) 芒格說得對 , 能讓人破產的 , 就只有酒精 , 女人 , 拱杠
3) 能活著生存才是賺 ~ Soros 如是說
能在投資市場裡賺的錢 ....就是 [ 不犯錯 ]
Yam
https://m.youtube.com/shorts/pLlS_U4Zlp8
香港 , 現在已變成一個鬼地方 , 只要你諗下自己將來的下場就明
若果你後生冇錢買香港既 [ 天價貴樓 ] , 老來就要依賴政府排公屋 , 我來自草根階層 , 做過一次樓奴 , 已經怕怕了
不過唔好以為容易 , 就算排老人隊 [ 話 ] 會快 d .....你睇下篇報導
十年都上唔到樓 , 仲要俾 d 不人道既單位你揀 ~ 半間劏房咁 , 十年後仲排乜呢 , 可能瓜左啦
試問在香港勞役左成世 , 有咁既下場 , 有乜敢 / 感想
呢個理由 , 就係好多老人家回大陸住既唯一壓根理由 , 但唔係個個都有錢買樓既
我參考過社署既 [ 所謂 ] 老人福利津貼計劃 , 如果要攞每月長生津既 65 歲以上人仕 , 每年要佢返港 60 天
咁請問果六十天佢在香港住邊呢 ? 社福署署長請回答
酒店 ? 兩個月酒店可能係 3 皮野起碼 , 一年先攞 5 皮野老人津貼 , 要返香港停留果六十日駛左 3 皮 , 攪邊科呀大佬
5 皮野原本係夠在內地普普通通地養老生活既 , 但你要佢翻香港六十天咪即係半天吊 !!! 兩邊唔到岸 !!!
後生的你 , 將來千祁唔好好似我咁老而無錢 , 一係 , 一早選擇唔好做香港人囉
都係果句 , 呢件事係人人都要考慮既問題 , 並非遙不可及 , 香港地係迫你成功 , 迫你發達 , 唔俾你窮嗟
唔怪得好多人講對老人家既尊重程度 , 大陸係優勝一點 , 我老左先明
所以你地一係發奮買到香港既人為天價樓 , 一係唔好諗香港 , 趁早平平地供層大灣樓 , 老左住得舒適 , 單靠老人津貼已可過活 , 係上上策
其實香港政府既家底唔弱 , 何必攪到咁怨聲載道 ? 我地發債水平低於二成 GDP , 可以提高 , 活用港人資源 , 兩者都得益 , 人民又可活得更快樂 .....
Why not both ?
Yam
個廣告既表達方式真的坦白可愛 ......
但佢說出的機率少左 10% ............
市場應該只有 15 % 人生存到架喳 , 否則庄家吃乜
個世界真係有咁多人唔想做.....覺得自己可以有資格俾人包 , 有趣
所以我之前講過 , 九運係老千年代 !!!
Yam
