香港 ~ 已變成一個鬼地方

 

https://m.youtube.com/shorts/pLlS_U4Zlp8

香港 , 現在已變成一個鬼地方 , 只要你諗下自己將來的下場就明

若果你後生冇錢買香港既 [ 天價貴樓 ]  , 老來就要依賴政府排公屋 , 我來自草根階層 , 做過一次樓奴 , 已經怕怕了

不過唔好以為容易 , 就算排老人隊 [ 話 ] 會快 d .....你睇下篇報導

十年都上唔到樓 , 仲要俾 d 不人道既單位你揀 ~ 半間劏房咁 , 十年後仲排乜呢 , 可能瓜左啦

試問在香港勞役左成世 , 有咁既下場 , 有乜敢 / 感想

呢個理由 , 就係好多老人家回大陸住既唯一壓根理由 , 但唔係個個都有錢買樓既

我參考過社署既 [ 所謂 ] 老人福利津貼計劃 , 如果要攞每月長生津既 65 歲以上人仕 , 每年要佢返港 60 天

咁請問果六十天佢在香港住邊呢 ?   社福署署長請回答 

酒店 ?  兩個月酒店可能係 3 皮野起碼 , 一年先攞 5 皮野老人津貼 , 要返香港停留果六十日駛左 3 皮 , 攪邊科呀大佬

5 皮野原本係夠在內地普普通通地養老生活既 , 但你要佢翻香港六十天咪即係半天吊 !!! 兩邊唔到岸 !!!

後生的你 , 將來千祁唔好好似我咁老而無錢 , 一係 , 一早選擇唔好做香港人囉

都係果句 , 呢件事係人人都要考慮既問題 , 並非遙不可及 , 香港地係迫你成功 , 迫你發達 , 唔俾你窮嗟

唔怪得好多人講對老人家既尊重程度 , 大陸係優勝一點 , 我老左先明 

所以你地一係發憤買到香港既人為天價樓 , 一係唔好諗香港 , 趁早平平地供層大灣樓 , 老左住得舒適 , 單靠老人津貼已可過活 , 係上上策  

其實香港政府既家底唔弱 , 何必攪到咁怨聲載道 ?  我地發債水平低於二成 GDP  , 可以提高 , 活用港人資源 , 兩者都得益 , 人民又可活得更快樂 .....

Why not both ? 

Yam