HSIF daily chart
Yam
2024年2月21日星期三
2024年2月20日星期二
2024年2月19日星期一
黔驢技窮 ~ 香港敗北二
https://yamgroup2013.blogspot.com/2022/10/bitcoin-right-on-time.html
香港既 [ 慢 ] , 又顯示出政府既 [ 決策 ] 能力出左問題
2022年當 Bitcoin 在 15000 見底時 , 我預期會上番起碼 40000 - 70000 , 但基於香港無一個正規 / 合法渠道去炒 , 同埋無對沖工具避險 , 我情願選擇唔入市而錯過呢個升浪 , 短短年半內 , 市場已經翻左三倍了 , 300% 呀
好多人會話可惜 , 但係呢個係一個投資 / 機人要絕對遵守既基本教條 .....speculation risk control , 當然我可以在一些半黑半白既非正式平台 / 信用卡戶口做 , 但出事既時候 , 就會好似 Jpex 咁變左受害人了
香港曾經話 [ 想 ] 做 [ 虛幣 ] 交易平台既世界大庄 , 呢個本來可以係繼晶片後既第二條大出路 , 但現在遲遲未有結果 , 俾人一種感覺係講多過做 , 即係明知可以為香港創造出另一條路行業 , 又一次滑鐵盧
去到呢個階段 , 我似乎已經真係確定 , 香港 [ 無 ] 出路了 !!!
有路而不去依 , 天天在乞求什麼旅遊業來消費 , 唔係乜野辦法呢 , 如果香港真係做到晶片 / 幣圈業 , 你驚無人來咩 , 仆倒咁來啦
現今既最後一條出路 , 怕且就係只得番一條 ~ 人民幣結算中心 , 又睇下香港決策者有無吸取教訓吧
Yam
2024年2月17日星期六
香港決策太慢 !!!
之前 post 講過 , 我地應該近水流台 , 顆拍大陸攪晶片生產出口 , 重開香港出口世界市場領域 , 咁香港就有條好強既出路了 , 明知呢行係未來行業都唔去做 , 唔通做番膠花咩 ......
好多野 , 你唔做就俾人搶左先機了
呢十年 , 香港政府既觸覺係快左 , 不過仲未夠快 , 尤其在科技層面既 decision making
香港今天比內地強既地方 , 就只淨下我地既 [ 向外觸覺 ] , 若果知而唔去利用 , 就係浪費 , 企响度 , 日日只係諗野 ......諗下諗下又七下七下 , 比下來了 .....
你估你係七師傅咩 , 七下又七下
Yam
爆發 ?
春節假期過後 , 資金會否從新配置 , 投入香港市場 ( 平 ) , 呢個係一個重要考慮因素
正面的話 , 會升到 175 - 180 ....甚至 205
因為以 Sq 9 時間計算 , 整個香港已經築左底
好多人唱衰樓市 , 唱好股市 , 又話贏左 , 其實 , 兩樣野又未必一體化 , 佢是旦一邊都會岩 , 即係 50 / 50 睇法 , 你都可以成專家架
樓市見底與否 , 都同買唔起樓既無關係 , 唱衰者只係一種 [ 怨恨 ] 心軀使 , 住唔起香港咪住深圳囉 , 好多人已經習以為常了 , 世界上各大發達城市都係咁架啦
城中盤 , 咪留俾有錢人炒囉
https://yamgroup2013.blogspot.com/2024/02/hsi-indexs-bottom.html
Yam
真理 / 天理常在
好多人唔承認乜叫做因果 , 更加抗拒什麼 [ 在天成象 , 在地成形 ] 既天星講法 , 其實...恐怕佢地只係驚真係有天遣嗟
今天就同你講一個故事
近期既 Angel's number 不斷頻頻出現在我身邊 , 有時一天兩次 , 近日既頻率係二至三次 , 尤其深夜 , 可能天使們在深夜無 party 開 , 得閒落下呢搵人 ....
今午 , 往深水埗腦場時 , MTR 入閘 , 天使號碼 144 又出現 , 心諗又呢 .....因為早在上午已經出現過 135 .....本以為係平常事 , 怎知 .....
行商場間 , 突然差錯腳 , 在二樓樓梯跣左落去 , 更險既係 , 我係瞓住落 , 即係頭落先 .....以我一把年紀 , 如果後腦或頸椎撞到梯級 , 恐怕後果非常不堪 , 甚至有生命危險 ,
當時 , 在我頭向下滑落之間 , 我覺得周圍好寧靜 ( 可能與我瀕死多次經驗有關 ) , 而我亦係眼望向後 /上面 , 有點兒來回死亡之間 [ 回帶 ] 既感覺 , 而身體 , 就好像被東西墊著慢慢咁跌 ( 吳宇森英雄片拍 slow shot ) , 大概跣了十級樓梯 , 就停下來了 , 全身無傷痕 , 無出血 , 只有些輕微撞到骨痛 , 如果係骨折應該行唔到了 , 在場好多人都走前來幫忙 , 我只叫佢地唔好郁 , 等我自己適應下先 , 跟住 , 自己起番身 , 乜事都無 , 可行可走 , 仲去吃雲吞麪添 .......
返家後 , check 下星盤 ....其實當時即時已用八字 / 斗數飛下流日 , 但 check 唔到乜野 .....可見得好多野係只有天星先見到
星盤起了 , 今天流日有兩顆星星 ( 橙色線 / 藍色線 ), 同樣出現在我既星盤 , 與本命星星構成了 exact 135 / 144 ...... 今天曾經提示過我的 Angel's Number !!!!
好在我既其他大星 , 暫時與主星群是形成一個 Gann enblem 大 trine ( 三合 ) 粉藍 / 紅色線 , 否則 , 這次 ....恐怕遇險了
唔信既 , 當故仔聽好了 , 你日後點做人 , 自己決定啦 , 因果係真既 , 星星效應係真既 , 大能量 supreme power 係真既
又講多個故事你知啦 , 新年我邊度都無去拜年 , 淨係去搵過附近土地公拜年喳 , 多謝佢今次保住小弟條命 , 咁你地明未 !!!
真理唔係用呢講既 , 未經歷過 , 你係唔會明架 !!!
在此感謝大能量一路既照顧著小弟 , 顯現出大慈悲既力量 , 在此合十 !!!
阿彌陀佛 , 善哉 , 善哉
Yam
2024年2月16日星期五
即將大敗之 ChatGPT
我建議你地切勿投入任何金錢去買做 ChatGPT 既公司或股票 !!!
外國有一個傻既律師新仔 , 將 ChatGPT 裡既案情例子放上法庭做參考 , 點知俾個法官噴到一面屁 , 幾乎俾人除牌 ........何解 ? 因為 ChatGPT 既例子係假既 , 假既例子被引用 , 當然瓜得
以上案件衍生出一個嚴重問題 ~ ChatGPT 裡既資料真實性 !!!
如果真係要驗正 ChatGPT 裡既龐大資料來源真實與否 , 我諗消耗既時間會比建造一個更大
這又更衍生出第二個問題 , ChatGPT 係一個可以收人錢 , 俾人造假既超級好地方 , 假知名度 , 假學歷 , 假身份 , 假社會地位 , 假既身家財產 ........總之 you name it , 同以前 FB 既 like 一樣 , 可以用錢買既 !!!
咁樣既所謂新科技 , 有前途嗎 ? 一股都唔應該買 , 呢個新科技 , 其實係最大既老千 , 攪一個地方俾小老千用 , 一齊千上千去千人
FB / You tube 到現在也從來唔會理會真與假 , 總之有錢買廣告就俾你用 / 播架啦
Yam
2024年2月15日星期四
美國股市絕望年 ~ 2024
1776 係美國獨辣日 , 而 1792 是 NYSE 前生出世日子
兩個都指向 2024 ..............
點到你唔服 ? 又點解你要服呢 ?
睇呢 , 呢劑係一定會發生既事了 ........我開始明點解之前眾多對沖基金做淡俾人挾左八百樽益力多了
我又更加明點解 Gann financial time table ......係 2024 了
甘仔 , 靠你啦 , 呢期你最勇敢
Yam
2024年2月14日星期三
香港前途 ?
經歷了 2019 社運 , 香港既經濟仍在徘徊谷底 , 恆指一度跌至 14000 邊緣 , 約 0.41 , 差不多又是一個 Fifth 五度
樓價 , 約下調二至三成 .....61.8 ~ 66%
每次低谷總有人出呢唱衰 , 但每次都會上番去 , 呢個先係週期循環精彩之處 , 如我地認定 1841 是香港開埠之年 , 距今 66858 天 , 約 2196 個月
我地用我地慣用之 Square of 9 工具 , 試圖為香港卜下前程
以年計 , 2023 剛巧在四個角 , 每逢時間去到 [ 角位 ] , 都是一個轉折重點 ....!!!
以月計 , 2196 又係去到 1/16 角位 ..!!!
如果純以 Square of 9 去睇的話 , 香港經濟 2023 年尾應是最差 , 2024.....已經進入了轉勢時刻 , 如果你堅持看淡 , 可能會 miss 左呢個轉折期 , 即係股市浪底同樓市浪底 .....又一次上唔到車了
咁點解同出便街既大師 / KOL 講既有分別呢 ? 我答唔到你 , 我只信江恩野 , 因為信左好多年 , 無令我錯過仕何野 , 你又試下放自己個出生年入去 .......
出便既人 , 口講無憑 , 你信佢咩 ......笨
Yam 任天堂大輸
2024年2月13日星期二
Nasdaq's final punch ?
Nasdaq monthly chart
22 years .... 256 ( 2^^^^^^^ ) month !!!!
144 / 135 / 60 degree
Wait for the Bar construction
Yam *-*
2024年2月12日星期一
2024年2月8日星期四
心理錯綜複雜的 [ 精神病 ] 市場操縱者 ~ 即係癲佬
HSIF 15 min charts
又見到呢位 [ 玩弄比率概念的粉腸 ] ....
你以為佢係 38.2 , 佢又整個 33.33 , 當你以為佢係 61.8 , 佢又變為 66.66 .......跟住 33.33 又變番 38.2 .........
真係吹佢唔脹 , 有錢多好 !!! 無恥就真係無敵既 , 不過有病就最好早 d 睇醫生啦福街
一係自己 park 多幾粒 largactil .........
你地天天就係同個傻佬捉緊迷藏呀 ......炒港期 !!! 同美斯一樣 , 市場莊家從來無尊重過香港既市場 , 係香港股民自己一雙情願喳
Yam
江恩傳....話
https://yamgroup2013.blogspot.com/2014/02/ganns-financial-time-table.html
江恩既 Gann financial time table , 十年前 2014 年 2 月 28 日已經在我個 Yam blog 出現 , 預視了今年 , 亦即港股既 1 月低點 ......係自 2017 年延續了過去幾年經濟不景之最後一年 ( Major panic ) , 暫時當係 .........
呢個表我相信好多人 , 尤其係想學江恩既新人或 Yam Group 既學生 , 都已經見怪不怪 , 因為個表係在 60-70 年代 , 江恩留俾後人參考既
有 d 利慾薰心既人 , 就扮到佢好似江恩名家咁 , 話發現了呢個週期 , 仲 [ 巧妙 ] 地在 2017 年出埋書做江恩專家 , 跟住就開始了佢既江恩棍生涯 , 靠呃錢過活
我大小 workshop / seminar 學生都有千多人 , 佢地都知呢件事 , 因為看過佢既所謂江恩手法 , 跟本就只係一般既幼稚園 TA 改裝成 , 同跟我學過既江恩方法好大出入 , 所以該名家老千既事蹟應該都已經通晒天 , 條路亦越行越窄 , 現在又已經轉風 , 開樓市班了 , 睇下遲 d 駛唔駛開埋烹飪班 ?
攪江恩既都知 , 我亦時常叮囑學生 , 市場有規律同走勢係因為有天律 , 所以造就了市場因果行為發生 , 因此 , 亂嗡話上便個表係佢發現既人 , 亦必然會遭 X X.....
現世 , 好多人以為暫時過到骨賺到錢 , 就莽顧因果鋌而走險 , 乜都會考慮去做 , 誰不知後果來時 , 就已經望塵莫及了 , 後悔已來不切了
不義之財貪不得 , 係因為我見得太多 , 希望你地深切明白及體會 , 我成日都講 , 人人都有一個大運 , 錢你去到果度一定搵到 , 又何必攪到自己 ............
未到時間既就應勤練技巧及多作觀察 , 到既時候就可以將自己既福報波幅擴張到最大了
都係果句 , 唔係你既就一定唔係 , 係你既一定還過你 , 好公平
Yam
2024年2月7日星期三
偽標題
《缸邊隨筆－石鏡泉》財務自由夢一場
《缸邊隨筆》升市會令投資者覺得，自己距「財務自由」的狀態漸近；相反，跌市就令好友
荷包受傷，更覺財務自由這「理想境界」遙不可及。這裏涉及投資者兩個錯誤心態：一、投資者追求財務自由，根本就可能不切實際，以及二、信心太容易受投資結果影響。
既要探討投資「心」態，心病還須心藥醫，先講個不少人曾聽過的「心」靈雞湯故事：
有個富人每天都愛到一處偏僻的海邊釣魚，而且總有個住在附近的釣友和他一起，但釣友每天只釣一條魚就會回家去。
一天，富人忍不住問釣友：「你為甚麼不多釣幾條？海裏的魚多的是呢！」釣友好奇：「為甚麼要多釣幾條魚呢？我每天吃一條就夠了。」富人解釋：「你可把有剩的魚在市場放售賺錢。」釣友問：「為甚麼我要賺錢？」富人不厭其煩，解釋：「賺了錢後，你便可買個魚網，捕更多魚。」
＊財務自由是偽命題？＊
釣友問：「然後？」富人沒好氣，仍答說：「你就有更多魚拿去市場賣，然後你就可買條漁船，那就有更多漁獲，到時還可額外聘人替你捕魚呢！」釣友再問：「然後呢？」富人意氣風發，說：「然後你就會成為富翁，和我一樣休閒地釣魚了。」釣友答：「現在我不也是和你一起釣著魚嗎？」富人無言以對，然後釣友再沒有「然後」，拿著魚，輕鬆地離開了。
對於以上一碗「心靈雞湯」，固然可以有許多滋潤心靈的詮釋，但故事中很可能已達致財務
自由的富人，他對釣友關於「理想生活」路線圖的解說，相信許多投資者、企業家都會認同。可是，如果「財務自由」由始至終根本就是個偽命題呢？
「投資，所為何事？」不扮清高，當然是賺錢。那麼，然後呢？「財務自由」概念是在２０１２年，由筆名「財經武士」（Ｆｉｎａｎｃｉａｌ Ｓａｍｕｒａｉ）的理財博客多根（Ｓａｍ Ｄｏｇｅｎ）提倡的。財務自由（Ｆｉｎａｎｃｉａｌ Ｆｒｅｅｄｏｍ）其實源自以「財務獨立，提早退休」（Ｆｉｎａｎｃｉａｌ Ｉｎｄｅｐｅｎｄｅｎｔ ＲｅｔｉｒｅＥａｒｌｙ ＦＩＲＥ）為目標的概念，自２０１０年起，這股理財思潮一直流行至今。
由於「發達」予人「發夢」、不務實的感覺，因此，有人就強調，財務自由並不等於發達，
而是指一個人擁有足夠資產和被動收入，即使在沒有工作收入的情況下，仍可過活，同時維持生活水平的一個理想境界。
不過，對不起，這個夢想可能已幻滅。當日以３４歲「當打」之齡，英年早「退」的多根，在逾１０年之後，今時已決定重返職場；當年他聲稱每年有近千萬美元的被動收入，至今似乎也早被通脹、醫療及子女教育的費用，以及近年疫情７％的投資虧損耗掉。
＊工作「樂悠９０後」＊
今時普遍人的壽命延長了，多根也「覺今是而昨非」，由ＦＩＲＥ轉為ＤＩＲＥ（Ｄｅｌａｙ Ｉｎｈｅｒｉｔ Ｒｅｔｉｒｅ Ｅｘｐｉｒｅ）：延遲（退休）、傳承（財富或知識經驗）、（真正）退休、離世；重點在延遲（退休），即是活到老，「做」到老，哪怕年已「樂悠９０（歲）後」。
就像Ｚｏｏｍ重新要求員工必須回實體辦公室上班般諷刺，連ＦＩＲＥ的「教主」多根也須重返職場。過去的理財概念，例如「４％法則」，可能已不適用於人口日趨老化的社會；在面對通脹、政經危機等不確定性，提早退休似乎更不切實際。因此，只要仍有人願意聘用、身心狀態許可，繼續踏實工作，理性投資，才是王道。
跌市，固然有損荷包，但縱傷荷包，投資不似預期，投資者也不宜過於傷春悲秋哭股喪。
＊不以升喜 不以跌悲＊
古人說：「不以物喜，不以己悲」，放諸投資，是為：不以市升賺錢而喜，忘了止賺沽貨；不以市跌輸錢，判斷錯誤而悲，而錯失了止蝕及買貨的時機。恒指昨跌穿１５６００點，年輕男女時歎「分手總要在雨天」，但投資者需要有信心，希望，仍在明天。
《資深投資者 石鏡泉》
-------------------------------------------------------------------------------
聖經裡 , 只教你去搵 everyday's bread is enough ..........why worry tomorrow's
好多人儲左 1000 億 , 走左從未駛過 .....浪費了美麗人生
Yam
2024年2月6日星期二
2024年2月5日星期一
多了解自己
https://www.163.com/dy/article/HRL9JNQH05560M1U.html
知己知彼 , 百戰百勝
好多八字術數佬都話 [ 胎元 ] 唔重要 , 其實係因為佢地唔識 , 胎元亦好難搵 , 好難測定
你受精果剎那 , 亦即係佛教講你 [ 入胎 ] 果下 , 佢地夠膽講唔重要 !!!!! 你話呢
呢班術數老千為左掩飾自身學問既貧乏 , 乜都講得出架
古時起屋 [ 上梁 ] , 要擇日架 , 你入胎 ....重唔重要呀 ?
落地喊三聲 , 好醜命生成 !!!
話俾你聽有得 [ 改命 ] 既 , 想做你生意喳 , 如果佢話無得改 , 你即刻轉頭走人啦 , 術數行裡 , 個個都係老奸巨 , 我就係因為唔想聽佢地亂嗡 , 所以自己研究呢門學問到咁透徹 , 仲用呢做 trade , 而唔係去 [ 呃 ] 人錢
其實在心理學裡層面 , 個個人都想自己條命可以改而去 [ 睇命 ] 受騙 , 變成搵心理輔導而矣
在我而言 , 只要了解自己幾時行運 ......足夠矣 !!!
Yam
2024年2月4日星期日
看美斯 , 看人生 , 看自己
好多人都會話 , 球王美斯 , 由一個窮小子 , 辛苦經營 , 努力不懈地 , 經過辛苦既童年 , 做到今天世界球王既地位 , 由一個只係懂踢波既人 , 賺到以億計既金錢及名譽
上便既故事 , 聽似可歌可泣 , 係一個窮小子好努力成功既奇蹟 , 好有鼓勵性 , 實情唔係
該小子一出世就已經 [ 潛在 ] 著成功因子 , 只係你睇唔到也罷 , 一但 [ 捱過 ] 了日月星辰既折騰 , 就走上成功既步伐了
佢人生折騰既部份來自冥火木 90 , 所以人生裡前半生過著苦日子 , 佢 [ 可能成功 ] 部份來自冥海木天土成 120 角 , 一旦苦日子捱過 / 夠長 , 生命便去到了樂觀 / 成果之部份 , 大家可以用上個 post 既 George Bayer Five fold horoscope 方法找出理由
應該咁講 , 好多人踢波都踢得好努力 , 不過 , 把握唔到 [ 成功 ] 既時間步伐也罷 ( 因為你既足球生命能否配合 [ 成功既時間性 ] 係由你呀媽同你老豆攪野當時果刻天空上既星星決定既 , 唔到你控制 , 亦即你八字裡既 ~ 胎元 )
咁即係點呢 ?
人努力歸努力 , 唔努力既 , 就算俾你行到運 , 你都只係 [ 豐足 ] 些少 , 絕對不能成為 [ 勁人 ] , 勁人係個天定晒 , 幾時落呢呢度 [ 應世 ] 用架 , 否則個世界秩序就無晒架啦傻仔 , It's a big big fxxking planned [ Universal Hierarchy ] ...........
聽了上邊既故事 , 你有得揀架
第一 , 躺平 , 乜都唔做 , 等行運買六合彩搏下 , 有幾多由個天定
第二 , 盡量努力 , 過著生活 , 等行運 , 一朝遇上云彩 , 便能飛龍上天 , 不過都係等個天俾幾多 , 自己只能估計 , 成果就睇你平時點做人啦 , 呃得人多既就.....
第三 , 否定自已 , 自殺 .........好多人揀左呢條路 , 我一點都唔出奇 , 現世 , 忍不住世態眼光 , 俾人睇少既人 , 險走偏峰後 , 爆唔到 seed .....走去死
你自己揀吧 , 各位大師
其實 , 個天一早幫你揀左 , 寫左在你既身份證了 ~ 欲知前世因 , 今生受者是 , 欲知來世果 , 今生造者是
善哉 , 善哉
如果... 依窿密私有日發展科技到可以再俾我出世多一次 , 再吸收宇宙精華的話 , 我一定係世界首富 , 因為我已經累積晒佢地既成功天體物理資料大數據 , 可供來世用
講笑咋 , 我累積呢 d 大數據 , 因為我下世要再番去做 Yama kala 條靚了
Yam
動悉世事藉因緣
香港 d 無知既假財經 / 學者 KOL , 天天話港股係全球最差, 跑第尾 , 跟住怨天怨地 , 天天在哭股喪 , 坐井觀天
佢地唔知既係呢個只係自然現象 !!!
我地只要將美日港三幅圖放在同一個時間軸 , 可以見到日股在 80 / 90 年代 , 同香港股現狀一樣 , 全世界升佢就獨自地跌 , 美股則與港股一齊升 , 去到 2000 年後 , 香港呈現強勢獨頜風騷 , 美日回歸同步 , 再去到 2018 後 , 香港回落 , 美日同步升到現在
股市係一個資金配置遊戲 , 熱錢係唔會永遠留在一個地方 , 當資產增值有一定幅度後 , 就會無情地離開 , 資金永遠不會與你談戀愛 , 非常直觀
現在既問題好簡單 , 即係美國已去到一個與戀人分手既地步 , 因為 30 年來都在熱戀 !!!
但因美資金池相當龐大 , 一旦抽離後 , 熱錢會走去邊 ? 早排已有一部份流入貨幣基金 , 導致高息貨幣上升 , 金價 / 虛幣近期亦有持續上升勢頭
明白了呢種世界資金輪迴 , 條路....就會清晰了 , 因為 30 年 , 係江恩循環既一個重要因子
香港就算可以背靠中國 , 亦唔會容易走出困局 , 15 年 ? 可能唔駛 , 一半罷 , 都可能要 7.5 年 , 即係 由 2018 回落 , 至 2025 始能有希望 , provided 世界其他戰火唔會有乜擴大
同我以前寫過 , 1841 .....180 年後 2021 ......最少起碼要 3 至 5 年先可以回復 , 亦即 2025 後 ......呢兩年 , 你地可以細心練功 , 休養生息 , 慢慢選出好股 , 利用循環低點儲貨 , 等待下一個高峰來臨
資本市場 , 從來都係呢個玩法 , 明白了 , 你仲怨乜呢 !!!
最後 , 若果你認為自己有本事既 , 可以衝出世界 , 去炒第樣啦 ..........30 年前日經沉淪之時 , 唔通日本人唔炒野咩 .....傻既
若果你真係淨係識炒港股 , 咁我恭喜你啦 ~ 井裡之青蛙 , 呢個時刻 , 就係你要多元化自己既時侯了
最後 , 別無知地好似 [ 一定經人 ] 節目咁講什麼國家隊會出手既說話 , 如果我係國家隊見到上便幅圖 , 都知 ~ 未係時候出手啦 , 你當國家隊傻架咩 , 你就傻啦 !
Yam
2024年2月3日星期六
7 to the Base
如果用前輩吳師青同 George Bayer 果套 Five fold horoscope , 先天 Natal 多 Square 既就會遇上 Trine 而死亡 , 反之亦言 , 係 [ 陰陽相配相尅 ] 既自然定數 , 同你有冇努力過無關 , 睇過下便條片既就會明
https://yamgroup2013.blogspot.com/2024/01/blog-post_23.html
想了解更清楚既可以走去墳場抄番一千幾百個八字生死時辰對照下 , 不過抄既時候 , 問下個死左既人先呀 , 佢會眼仔碌碌望住你抄架 , 佢唔喜歡發你爛喳會跟你番屋企架
我都試過 , 不過佢係善良果隻 , 同我開下玩笑嗟
古時八字先生一見村內有人死就會好開心 , 因為又有大數據去驗證了
諗深一層 , 其實我地係因為唔夠星星鬥 , 佢既衰變 / 生命力長過我地 , 所以我地輸俾佢 , 如果.....你捱得過個 [ 星辰會合 ] , 可能有得掹都未定
唯一我知既方法 , 就係 ~ 氣功 , 以 [ 精氣神 ] 同佢鬥 , 可以玩長一倍 cycle ........古語 : 食氣者 [ 壽 ]
唔好誤會 , 我並非對死者不敬 , 我只係 [ 學術研究者 ] 一名 ....同埋....我都無可避免會死 , 你可以研究下我架 !!! *-*
https://m.youtube.com/watch?v=0FvaWspRIyQ
送你一程 , 一路好走
Yam
2024年2月1日星期四
Touching .......頂天立地男兒身.....讚
相當 touching .......受人五斗米時就真係唔照佢做唔得啦
如今有勇氣說出真相 , 已經係一等人了
上個月 , 有日我突然 [ 開悟 ] ........
人由出生到死 , 無野帶得走 , 尤其係錢 , 咁做人為乜 ? 點解要經歷做人既過程呢 ?
人生裡真正重要既 , 就只有一生歲月裡生死之間果段既 ~ Integrity / Dignity 同人格 , 始能夠分辯出人既價值
無論你同意與否 , 我都會以此為終身目標 , 若果唔係 , 做人就係多舊魚架啦 !!!!
Yam
福星樓
我係窮鬼 , 當時只買得起果度 , 呢棟係我既第一層樓 , 君臨天下 , 270 度單邊山景 , 天天仰望著成個大圍全景 , 心曠神怡 , 當時住得相當愉快 , 日日行山游水踏單車玩樂
最開心既係買完樓俾左首期無錢搵人裝修 , 個座厠同浴缸係我自己整既 , 花左兩個幾星期 , 當時未有互聯網 , 在裝修鋪買完原材料向佢乞求組裝知識 , 又去搵下書睇下點整 , 相當有樂趣
最後 , 翻左一倍離場 , 令我財政鬆緩地可以走上今天學驚 / 炒賣的路
香港好多人都係靠樓發達 ......你呢 ....打算上車未 ?
我當時都見到好多恨不得樓市跌既人 , 只講無上車 , 終身後悔
人生每條路都要自己決定 , 自己負責 , 同炒賣一樣 , 聽人講 .....輸左佢會唔會賠俾你先 !!!
現今輸左既好多報紙報導 , 其實贏左既亦大有人在
[ 偏廢落頑空 ] ....凡事 , 考慮下兩邊就會清晰了
Yam
Gann 中自有 Gann 高手 , 強中自有強中 [ 狗 ]
HSIF 15 mins chart
果然搵左件 Gann 中之 Gann 既高手過來香港應戰 ......
好彩我都有番咁上下 ......流嗟
Yam
訂閱：
文章 (Atom)