Bluffing

最近 , 同好多年無見移左民回港既朋友吃飯 , 席上有朋友既女伴口出狂言 , 講起經濟 , 佢話當年移民係因為睇到 2008 金融風暴會發生 , 所以選擇移民咁話

我等佢講左十分八分鐘 , 非常自豪之後 , 問佢經濟 / 股市係咪真係咁易估 , 佢諗都無諗話係 , 佢本身係雙 CPA , 所以自信爆棚 , 仲接二連三咁數出好多當年現象 , 話一早預知

我隨之同佢講 , 如果股市真係易估 , 那有咁多人仆街呢 , 跟住我攞部手機出呢 , 打開個 trading platform , 攞左個買賣 Bitcoin 即市版面出呢 , 叫佢幫我買賣下 5 分鐘後既價格上落 ....賺餐飯錢咁話

結果佢伴侶 , 即係我朋友醒水好尷尬咁幫佢推庄 , 場面非常難堪 , 成檯人都頓時啞口無言 , 跟住我為了平息事件 , 大聲大笑咁話 : 講笑喳 !!!

跟住 , 成晚都冇人敢再 touch 經濟呢個話題了 

公眾場合 , 一講起經濟就好多人鍾意認屎認屁 , 唔知係咪呢個題目會趁得佢地既身份同學識高左啦 , 好多人都喜歡發表謬論 , 扮識野

如果你第日遇見呢種人 , 就攞個手機出呢 , 考下佢啦 , 包佢......

Yam