一鳥在手 , 勝過百鳥在林

今早 , 再到大埔探學生 , 因為之前搵佢幫我訂野 ( 試驗品 ) , 貨到取件

到達大埔墟 , 大致上感覺到事情已經平伏 , 但仲有一鬼王在當地駐守 , 其他既已經離開了 , 意味著或多或少既  [ 魂 ] 已被安排 , 其他靈頑不靈既就有待後續

好多人問 , 大埔唔係有間名人觀音寺咩 ? 點解都會出事 ?  坦白講 , 好多有寺既地方其實都係 [ 空 / 凶 ] 既 , 什麼菩薩在唔在位其實係傻 / 層次不同既佛弟子問題 , 大能量既產生其實係超越時空的 , 佢地可以舉心即達 , 瞬間游走整個銀河系 , 隨傳隨到 , 化身千萬....試問咁又怎需駐於某間寺內呢 , 所以好多神棍話多去寺院拜祭係有福的 , 我並不苟同

再者 , 菩薩係唔會干擾個人因果架,  咪傻到求佢地啦 , 佢地只負責教化 , 唔係 super hero ( 菩薩畏因 , 凡夫畏果 )

贈你一句 ~ 所有福報都 [ 不宜 ] 強求 , 否則亦違背了你修行的本有目的 .....講晒 !!!!!!!!!!!!!!

去到學生處 , 學生話近排做 trade 感到好混亂 .....佢雖然係賺到錢既 , 亦看似已學懂好多法則 , 但運用上始終不能將佢地 [ 合併 ] 一齊使用 !!!

跟住 , 我只答佢一句 : 一鳥在手 , 勝過百鳥在林 

事實上 , 有好多 trader 都有咁既毛病 , 想將 A 功夫同 B 方法合併 , 以為在整合當中會有 [ synergy ] , 呢種諗法將會在你買賣生涯中導致嚴重過失

市場....是有好多 dimension 既 , 不同既人會發展出不同既 [ 做市 ] 方法 , 操盤之大戶亦一樣 , 有時在 A 市場你見到大戶用 A 方法 , 但在 B 市場則不同  

咁....在 B 市場既人會話 A 方法失效 

我既口頭禪 Trade what U SEE ...呢句說話就係要你親身去體驗你入去既市場 , 是否能被你 [ 睇通 ] , 如果睇唔通 , 就可以另覓他處 , 直至你能 [ 看見 ] 在有優勢之下 , 再運用埋 [ 賭場 parity ] 法則 , 爭取買賣勝訴 

各地市場既 [ 運行方法 ] 可能會不同 , 但大致上都要用  [ 賭場精算法測 ] 去牟利 , 所以如果你能充分利用到呢套牟利方法既利弊 , 便可以企在大贏面處了

跟住我即場示範左一個簡單既市場  [ parity 運用 ] 俾佢睇 , 仲 apply 左在幾個市場內 , 佢睇到之後 , 就明白乜野叫  [ 賭場 parity ] 了

其實只要你 once 見到一樣野係 work 既 , 就原汁原味去 [ 實踐 ] , 去磨練 , 唔好因為一次半次 violation , 就修改 / 放棄了原本之方法 , 世上沒有百份百贏之方法 , 只要以 [ 大數論 ] 你見到之方法 , 能令你長期處於贏多過輸既地步 , 你已經做緊一盤有盈餘既生意了 , 果一次半次之意外 , 就開心地當虧損算了吧 

好多仲係在找 [ 方法論 ] 既人 , 其實係浪費緊自己既 trading life 喳 , 揸住 [ 一招 ] , 九磨十難 , 練到成為你自己 [ 必勝 ] 的一招 , 何樂而不為呢 , 又何必迫自己再去找尋他法 / 協同呢 ? 

再係咁打轉 , 只會得一個結果 .....繼續渾噩落去的炒賣生涯 

如果三十年前俾我睇到 AB = CD 法則 , 我就乜乸都唔攪 , 乜都唔研究了

我在意既係在市場生存 / 贏到錢 , 而唔係想做 [ 學者 ] 去研究呀大佬 !!!

唔好攪錯目的 , 馮京作了馬涼 

Yam