昨日, 花了整天 crack 了歐洲 Dax 市場玩法 , 今天總要休息一下 , 我既休息並不是睡在床上 , 而是 [ 步行 ]
漫無目的 , 冇指定方向的步行 , 就是我休息的好方法 , 行到邊食到邊就係我覺得最自在的行程 , 今午我在舊工廠區茶餐廳吃了牒乾牛河 , 又在經過的街邊鋪 [ 飽點店 ] 吃了好耐都無吃的鮮炸蝦春卷和煎堆 , 已相當滿足了
最後入到某大商場書店 , 做我最慣常做既事 ~ 打書釘
上便果本書就是今天之收穫 , 攪 [ 江恩理論 ] 研究既 , 都愛往歷史裡鑽 , 因為以往就是將來 , 跟據歷史 , 我地就可以預測將來 , 在炒賣市場 , 只是舊酒新瓶 , 人性係唔會變既 , 所以金融重大事件不斷重複 , 只要你能明白的話 , 錢從來不太難搵
打左二個鐘書釘 , 出到商場門口 , 已經是晚飯時間 , 剛見到門口既一個小販老伯 , 在賣緊舊式龍鬚糖 , 在人來人往既門口 , 跟本無人會停低去買 , 況且 , 今時今日年青一代無人會幫趁小販架啦 , 我見到老佰既心情當然不會好到那裡 , 只是可能生活迫人 , 被迫在該處 [ 等 ] 被動生意也罷
這件事令我想起 , 若果 30 年前 , 我無立定主意 , 下定決心 , 要在金融市場打下根機 , 由朝到晚攪研究 , 攪 backtest 的話 , 今天 ....在門口賣小食既可能就係我
人比人就當然比死人啦 , 但 [ 知識改變命運 ] 當真是一件瀝瀝在目的事 , 而到了今天 , 我仍然是充滿好奇心 ,每天都當自己係二十歲咁去了解金融市場裡每一件事
我希望你地都唔好放棄每一件可以令你變成更優秀金融炒手的事情/經歷
BTW 你地知唔知 2021 年 Bitcoin 泡沫暴跌同 1637 年鬱金香泡沫有乜關係 ?
剛好 384 年 ....易卦象數 .... 2 ^ 6 * 6 .....一個土星木星完整 concentric conjunction !!!
Yam
沒有留言:
發佈留言