談投資理論

 

炒賣 , 離不開投資理論 , 我炒左 40 年 , 我講你可能唔信 , 今天講既 , 係投資界既鼻祖 Soros 

[ 先投資 , 後研究 ]  係索老提出既名言 , 初頭 ( 40 年前 ) 我識條鐵咩 , 天天在揸揸沽沽唔知為乜 , 有時學大部份人咁用下指標 , 攪下技術分析 , 扮下有依據去出入市 , 輸左都可以賴個指標 , 自己壓力就無咁大了 , 面對客戶都可以解釋下 , 咁就邊炒邊學 , 胡里胡塗咁過了初年既生涯了

所謂初學三年 , 突飛猛進 , 再過三年 , 寸步難行 ....突然停滯 , 完全唔知點炒 ....如果你未過呢個階段 , 咁 , 你可能只係在渾噩過日 , 成績上上落落 , 無大進步 , 初頭以為係市場 / 指標 / 技術出了問題

到左果個時刻 , 先想起索老果句話 !!!

先投資 , 後研究 ~ 原來唔係容易理解的 

平常 , 我地總要建立合理理由去作出條件反射出入市 , 以求達到所謂準確之地步 , 普通人又怎會入左去先攪研究呢 ? 

經過了無數歲月思考 , 我先明白 ......

索老跟本就完全明白炒家既思考模式 , 係由技術指標 / 基本經濟分析去設定的 , 呢 d 野 , 個個基本技術分析派都會教到 , 千篇一律 , 並不是令你佔到任何先機的原因之一

索老講既係 ~ [ 先投資 ] 你一定要有膽量坐入去先 , 好多人攪技術分析其實係令佢地自己有理據 ／ 行動 ／ 膽量坐入去 , 支持後市睇法 , 從而去持方向性倉位 ....[ 後研究 ] 亦唔係入左去之後 , 再去研究理據支持繼續既倉位 , 而係 [ 研究 ] 幾時斬倉同加倉 

因為以索老既豐富經驗 , 佢充分知道炒賣市場呢個遊戲 , 只係輸贏兩件事 , 只要你控制到輸贏既次數 , 你就係贏家了 , 後研究既意思係 , 研究倉位幾時不對 , 就要作出行動 , 只要你在最短時間內斬左輸既倉位 , 保留你贏緊既倉位 , 你既成績就會好了 !!!

我曾經懷疑呢個諗法 , 我亦試過一天內胡亂持倉 , 去驗證索老既講法 , 果然 , 當你只係去睇住幾時錯既時候去出場 , 你就可以好快地減少損失逃脫 , 重新來過 , 而虧損是小的 , 咁樣既狀況下 , 我就練成止損既 [ 本能 ]  , 當市況不足以令你出場既時候 , 利潤就順著多起來了 

你明天亦可試試 , 只要練到呢種止小損 [ 本能 ]  , 就能有規律地贏大利潤了

炒賣成績從來不是技術分析 / 不是統計 / 不是那一種方法 , 而是儘速嚴格控制 [ 輸贏比率 ]  , 當然 , 更要有索老既第一句話 : 放膽落場啦 

換句話說  ,   索老先係 ［ Trade what U SEE ］既鼻祖 ！！！！

Yam