Trading with the PLAN

香港市場 , 唔係我既主場 , 我又成日瞓覺 , 所以 , 我既倉位只係 [ 登腳 ] 式 

而我又喜歡於某一個時間點前 , 來回上下做晒要做既野 , 跟住淨番一些 [ 孤兒仔 ] 倉任佢飄 , 由其是月頭 , 但往往呢種無里頭既接近免費倉位 , 到頭來總令你有驚喜 

詳細既落倉方法 , 我有在學堂上分享過 , 不過 , 無經驗同無想像力既 , 好難參透 , 尤其是未落過場既新同學 ....

由於之前已經 [ 預計] 左呢個月有 [ 重要大日子 ] 出現 , 所以做定了倉位 , 等爆 , 點知出現了東南亞地震 , 我以為事情已經完左 , 及後美市引爆 , 咁我既假設又好像預期咁 ~ 再次燃起

今早開市明知會好震盪 , 所以晨早起身在議價時段睇盤 .....本來已計好了平倉價 , 奈何經驗話我知緊急時期波動市期權盤係無人開俾你既 , 之後 AO 盤路跳動時已非常接近我計算既下限 , 所以 , 毫無保留地 , 最後開市前果 2 分鐘內輸入指示 , 買入期指 lock /平倉

我可能計錯數 , 開市之後 , 大市仲要被質低 ....即係我賺少了 600 點一套單 !!!

當然 , 這是事後睇法 , 但若果大市係大幅低開急彈 , 咁...你既利潤就可能會....減少又或全部泡湯

兩者取其輕 , 我輸入了我計算之最低價....lock / 平倉離場 

因為 , 我好明白 , 作為一個 trader , 依照自己既計劃 , 計算好全盤應對利潤 , lock yr profit , 完成責任 , 係一個 discipline , 如果我成日都改 plan , 咁就唔會有所謂 [ 專業 ] 了

咁多年來 , 我就係一次又一次咁經歷呢種 [ 現場大時代 ]  , 生存到成為今天的 [ 恐龍 ] , 你可以話我係怪物都得架 

9 :20 am 離場後 , 往公園曬下太陽 , 練下氣功 , 享受人生 , 又留待下次再賭過

Yam