死亡的真相

 

對於死亡經驗 , 我至今都未死過 , 不過在年紀老邁既洗禮中 , 瀕死既經驗我共有 4 次

第一次 , 相當深刻 , 七歲時就是在馬路中被車打橫撞倒 , 嚴格來說是冇乜痛若 , 因為當時好似未撞前已經 [ 抽離 ] 左 , 可能是靈魂已經嚇到跳左出身體 , 但依稀感到有救護車 , 救護員在急救中 ( 十字車內 ) , 好似見到半條光明隧道 , 可能佢地當時落既針葯太重 , 我一陣子就暈左 , 只係進入了 coma 狀態

當時係相當零靜 , 相當 relax , 好似如釋重負咁 , 同我大個左打坐時既 [輕安] 感好相似 , 幾天後回家 , 半夜睡醒, 見到有個穿白衣長鬚古裝長袍既老者 , 坐在我牀尾 , 佢冇出聲 , 但感覺好 warm 

第二次 , 在游泳池 , 細個唔知有大人池呢樣野 , 就咁跳左落去 , 又冇人知 , 浸泡左十多秒 , 叫天不應 , 叫地不聞 , 在水底既漩渦裡 , 望到既就是好光既天空 , 都係好寧靜 , 過了半分鐘 , 終於由帶我去游泳既隔離屋撈翻我上水面 , 在池邊靜靜地休息既時候 , 感覺係 ~ 冷漠 / 無助 .....被人救了 , 但有相反感覺 , 而家都唔明 ?

第三次 , 在家中早上心臟突然激痛 , 之前無俾人激親 , 但係好強烈 , 不過痛苦中淨係諗住當時想見既人 , 目中無其他人 , 腦海出現佢既影像後 , 無光明隧道出現 , 幾分鐘後好翻

第四次 , 就係上次在 blog 內寫過 , 在深水埗商場由二樓倒轉頭滑左兩層樓 , 只係秒鐘既事 , 但過程就好似好耐咁 , 慢鏡播放而非常寧靜 , 仲好似有配樂聲伴著 .....

經過咁多次 [瀕死] , 感覺上死亡都不是可怕的事情 , 所以而家好多野 , 就由他啦 , 你有既野可以舜間消失 , 又無乜野可以永遠留得低既 .....隨緣也罷 , 物質總有一天會 decay , 犯不著打生打死去爭取 

人生只是一個過程 , 過程中最緊要玩得自在 , 咁就 OK 了 

接近死亡的 Yam