投資回報翻倍論

投資世界裡 , 講求既係回報 ....EPE ( earning per event )

美好願境 ~ 是大多數人想見到的事 , 而回報 , 當然係越高越讓人傾慕 , 愛蛋講過 , 複式效應係世上最利害的東西 , 因為只要每次都對 , 一份資金 , 經過了投機 10 次倍增後 , 就是 1024 倍  

即係話 , 如果你有一萬元 ( 現今好多人都有 ) , 賭 10 次 , 每次都中而又翻倍 , 你就能成為千萬富翁了 

件事好似好簡單 , 點解咁多人都做唔到 , 天天話預測中晒 / 贏錢都仍然要你入 group 俾錢睇文章 , 又要介紹你去證券商開戶攞回佣呢.....即係話連佢自己都未做到次次贏 !!! 

而貼圖贏錢只係 A B 兩個倉一揸一沽既 balance 結果 , 只貼出贏果個倉 balance 也罷 , 亦無 Post 幾時開倉 / 平倉既偽證

好坦白 , 我都未能做到次次對 , 所以 , 我無行 10 次成千萬富翁果條路 !!!  何解 ?

因為我知有 [ 運氣 ] 呢回事 

經過無數星星命盤既收集 / 研究 , 我睇到好多一將攻城萬骨枯既例子 , 只欠些微運氣成功 , 就已經 [ 被 ] 滅亡 , 現實中話呢條路我知既名家 , 自己亦失敗了 , 咁我倒不如安安份份 , 舒舒服服地簡中睇岩先入去 , 又或者依 SOP 入 , 以平常心處理我既倉位 , 倒頭來反而有意外收獲 

如果真係有人話你知你幾時 [ 真係 ] 行好運的話 , 你再考慮 1024 玩法吧 ....我無話唔得呀 , 係我唔得咋

試想下如果真係咁易 , 銀行利息又點會得幾個 % 一年呢 ? 

在投資市場 , 能翻倍 , 已經係一件可喜可賀的事 !!!

Yam