[ 淘多多 ] 以神速開多間分店 , 當然係因為受人受落啦 , 每次落親去 SSP , 我都會走入去睇睇 , 而睇親 , 都買到成袋都係咁翻屋企
因為入到去好似遊樂場咁 , 好多野你見都未見過 , 好多老人家而家出翻呢消費 , 都係去淘多多 , 因為價錢低到阿差 , 賓賓都要 [ 唔買都入去睇下 ] , 三幾元有交易 , 連十二元店都甘拜下風 , 俾佢狙擊到體無完膚
家電 , 家品 , 朝玩 , 工具 , 文具 , 電子電腦 , 清潔用品 , 美容 , 食品 , 包羅萬有 , 睇親都兩個鍾 , 係一個消閒好地方 , 如果你家人或另一半係消費買野狂 , 最好帶佢到果度 , 因為買多多野都只係幾百 , 同佢去中環商場差天共地 , 你張卡 .....慳好多 !!!
睇佢趨勢 , 仲有排去 , 歡歡鍾百佳都隊冧埋 , 我就真係希望見到啦 , 取價公道 , 係人都想買啦 , 邊有不願消費呢回事呢 , 唔信 ! , 你去行下 , 你忍得手唔買野 , 我賠雙過你 .......
香港政府應該頒個 [ 最佳鼓勵消費大獎 ] 俾佢 , 因為好多老友記都出出入入去買 , 係真架 , 唔信你去睇睇
我同佢無乜瓜葛 , 不過我都係受益者 , 買到平野用 , 所以推特一下
其實佢都請左好多人手 , 緩解左失業大潮架 , 眼見 d 員工大部份都做得幾開心 .....讚
Yam
沒有留言:
發佈留言