不再慈善

如果你睇得我個 blog 夠耐 , 你會知以前我耐唔耐都會攪下捐款 , 係咁易帶你地做下善事 

我而家好少出聲 , 唔代表我無做 , 而係改變左方式

我講過 , 八運九運多老千 , 所以 , 大家行善就要小心了

1) 盡量捐去一些老牌慈善大機構 , 作為歷史尤久 , 佢地既執事都已經係名人 ( 有錢人 ) , 有錢人就貪名多過貪財 , 比較信得過 , 另外大機構既監察會完善 d

2) 其實香港既社會福利已經上晒軌道 , 細既慈善機構政府都會資助 , 如你見到有人有需要 , 可以轉介佢俾社處跟進 , 應該可以幫到佢 , 香港係唔會餓死人架啦 , 唔好太幼稚啦 , 走去派飯

3) 如果再見到真係有需要 , 不肯低頭求人既人 ( 有人真係好有骨氣 , 不肯接受人地既幫助 ) , 就要另用方法了

上便既阿婆 , 係我耐唔耐就去搵佢既人 , 佢在舊區樓梯底辛苦經營補鞋 , 近年老伴走左 , 簡唔中我就會同佢買十對八對鞋帶 , 黑鞋白鞋攀山鞋....等等 , 跟住每次再去買既時候 , 就將上次買既掛番上去 ( 通常佢忙緊叫我自己揀既時候 )  , 咁就可以神不知鬼不覺下送錢佢使 , 又不損害佢既尊嚴了 , 仲有 ....真正善款落到佢手上 , 無行政費用

我補充一句 , 你真係要好似個天觀察我地咁 , 經過考驗 / 核實後先下判斷做呢件事 , 唔係就好似上便單野咁 ~ 作左業 , 造好事變造壞事了

祝大家早日搵到捐助對象 ( 其實各區都會有呢種真正有需要既受助者 , 唔係一定買野架 , 你可以扮搵佢勞動做野俾人工佢都得架 ) , 長期積善予有需要既人 

If U are Blessed , go bless others .......Life is a circle 

Yam