小店出品 $ 29 魚柳包套餐
而家香港既營商者天天話生意唔夠 , 市民唔肯消費 , 日日怨天尤人 , 炒媽刷蟹
坦白講 , 我地天天都有出去食飯消費 , 但都會選擇一些沒有在 Covid / 社運後大幅加價既鋪頭
我地相當明白經營者輸左幾年 , 想以加價去追番個損失 , 但試問加價幅度咁高 , 一般市民又怎會付得起呢 , 我佩服果 d 沒有加價既小店 , 所以...好多時我都選擇幫趁番佢地 , 因為佢地明白呢個年頭 , 生意已經被社運 / 黑暴 / 黃絲攪到苟延殘喘 ( 重複日本被美國攪完既現象 , 如果你今天都仲睇唔出呢個係攪壞他國經濟既標準模式 , 咁你就真係....太天真了 ) , 再加價嚇怕熟客的話 , 生意低到恐怕連租也交不起 , 遑論其他 , 佢地明白呢幾年輸左既慢慢追 , 選擇生存 / 捱下去
大型既食市 , 只能辛苦經營 , 將加幅盡量降低 , 如銀龍餐廳 , 每樣東西只加幾蚊 , 我覺得佢已經算係良心企業 , 所以仍有幫趁
上星期六 , 去到一間在大型商場既小麪店 , 個老板竟然因為生意差勁而企左响度發呆 / 發牢騷 , 唔記得將客點左既東西送上 , 反而罵個客唔提佢 , 我諗呢種咁既情況 , 係個老板被迫經營下去 , 迫到人都癲而發生既
歸根究底 , 我地香港既根本問題就是 [ 經營成本 ] 太高 , 好大部份去左交租 , 大業主永遠唔會考慮經營者既辛苦 , 年年加租 , 我粗略計過 , 現在店舖既生意 , 起碼有六七成要左呢交租 , 餘下既只有二三成 , 扣除成本 , 恐怕店主都係辛苦經營 , 甚至賠本 , 但因為租約在身而被迫捱到甩身而矣
點解咁多人走左去深圳消費呢又 ? 深圳最大既優點 , 恐怕就是租值比香港平 , 所以出品較香港平 , 圍起上呢樣樣都有優勢 , 便吸引到港人去消費了
結論得一個 , 所有芝士都被地產霸權偷了 , 幾十年來 , 所有社會資源都入晒地產產業既袋裡 , 寡頭主義正係令社會窒息 , 再落去的話 , 只有死路一條 , 國家好明白呢個香港幾十年來問題既嚴重性 , 不過難於剎那間改變 , 便迫出北部都會之計 , 同埋盡量起多一點公屋 , 將市民既資源 / 錢 , 放番入自己既袋裡 , 其用心良苦 , 應該係我地既福呢
咁 .....經濟自然會慢慢適應 / 調節起來 , 我地恐怕要捱多十年八載了 , 呢個亦係我以前寫 1841 問題時 , 講到香港起碼要到左 2026 - 2032 先可以再起飛的理由
Yam
沒有留言:
發佈留言