Macro 皇極經世大週期仍行緊 [ 蠱 ] 卦 , 一睇個蠱字已經知道唔係好野 , 是大道腐爛之象徵
睇番 Jpex 單野 , 反問下自已 , 如果你不幸是受害人 , why ?
係連鎖廣告攻勢利害令你上當 ? 係 KOL 太出名 , 太口甜舌滑令你上當 ? 係利息太高令你不得不把握時機 ?
其實上便通通都唔係 , 只有一樣野令你上當 ~ 美麗的自我 [ 想像力 ]
你明知廣告係假既 , 你明知 KOL 天天在 bull shit , 你又知利息高一定唔妥架啦 !!!
不過 , 你腦海裡既想像力分分鐘都在產生作用 , 令你淘醉在 [ 成功 ] [ 發達 ] 既狀態 , 令你相信自己可能成為主角 , 享受主角帶來既 [ 財務寬鬆 ] , 發達後既 [ 自由意識 ] 效應 , 因為今時今日 , 呢種社會形態被視為時尚 , 矇既都當自己一定要去參與 , 去變成投資超人
呢種錯覺令你正常既思考能力通通反噬 , 突然間變了一個時空交錯既 [ 傀儡 ] , 雙手親自付上昂貴既學費 , 中計而不自知 , 直到聽到新聞知道出了事 , 先至如夢初醒 , 原來發了春秋大夢
在東張成日都見 , 一次勁過一次 , 只係因為 ~ 你自己既 [ 想像力 ] 太豐富了
以後記住 , 除非係你親身眼見為真 , 否則....太美好既野 , 都係假像 , 你的耳仔唔係好信得過架喳
Yam
沒有留言:
發佈留言