好刀未老

 

學友就寶刀未老 , 我就練緊把刀

前幾年整傷條腰做過手術 , 以為今生今世都唔做得運動了 .......... 

最近 , 感覺身體已續漸康復並完善化 , 所以在淘草淘左架山車 , 試下可唔可以練翻下氣 , 落山就當然爽到飛起啦 , 點知上山嗎 , 一段幾百碼 20度山坡 , 分左三四次踏上去 

當然 , 今次只係試水既第一部 , 希望會漸入佳境 , 慢慢練翻好條氣 , 身體更加回復狀態了

踏到去目的地 , 原來鎖架車在街邊 , 第一件事就係拆左個 seat , 因為...最多人順手牽羊既就係個座位 , 以前我在街上見到既廢棄單車好多都係無左個座位既 , 跟住 , 就被棄置在街邊做廢物 , 係一種浪費

出左一身大汗 , 跟住在茶餐廳吃碗泰式扎肉香茅豬扖金邊河 , 一樂也 , 跟住仲 plan 下路程下次踏去邊看風景 .......

運動完昨晚睡得非常好 , 中醫理論裡既傷寒論 , 就係要將身體既毒素 , 發左出呢先係好野 , 不過又要留意唔好發得太散 , 咁就得宜了 , 對一些平常愛喝冰冷野凍飲 , 加埋夜裡開大冷氣既朋友 , 應該多加注意 , 濕同寒....入左身體 , 老來就係病既源由了

其實以前做 Gym 都好 enjoy 流汗既 , 一天不流汗 , 就好似周身不自然咁 , 但年齡大左 , 做 Gym 相當易整到筋骨 , 造成永久傷害 , 因為....你實會同人鬥舉得重 , 又或者在女仔前扮勁 , 攪到身不由己架 , 信我啦 , 我都試過 bench press 卧推舉 110 KG 架 , 老左咪知有問題囉 , 後生唔知架 

踏單車又唔同喎 , 快慢由你控制 , 仲可以停下踏下 , 睇下大自然風景 ...............

唔知幾時可以唔使吃葯 , 由 DNA 改造去逆齡 ......回復到 25 歲呢 ?   hhhahahhaha

Yam