Why ~ be a trader ?

 

今午早起 , 在村口吃飯後 , 坐在公園休息 enjoy 緊太陽既 moment , 回想起咁多年既事情

其實只有好少人可以咁輕鬆地吃完飯 heir 下 , 除非你係好似我咁一個天生既公園阿伯 , 又或者係 NGO 裡既低 B 仔 , 否則 , 每天返工為兩餐 , 午飯後總要回辦公室 / 工作崗位報到 , 那有咁多空餘時間在公園 heir 呢

選擇工作是我地既人生重大事情 , 當然 , 我地既年代 , 可能係以 [ 師 ] 字排頭啦 !!! 貪佢搵到吃 , 又有社會地位 

凡事講代價 , 咁...要培養出一個 [ 師 ] , 要幾多成本 ?  公認地講 , 起碼要有大學資格 , 再加一個專業實習訓練期 ( 要付出錢及勞力作代價 ) , 我唔理係醫死人生 ,七言律輸 , 古惑會計 , 鈉米畵積師 , 倒塌科工程輸 ....每個既大學基本成本 , 冇幾十萬都唔得 , 加上專業認可培人瞓既 [ 過冷河期 ] , 即係話 ....一球起碼 !!!

跟住 , 你之後是否平步清云 , 沖上九宵之外 , 就睇你好唔好彩 , 有乜運行啦 , 綜觀我身邊既舊同學 , 可以沖上九宵既唔係無 , 有警務署長 , 西九反黑老頂 , 又有大 bar..rister , 名建築師 , 大集團旗下 CFO / CEO .....不過 , 比例上係少既 , 其他大部份都平平庸庸過一生 , 呢個 distribution 亦反演左術數裡既好命 / 壞命比率 .....絕配

果 d 工種係咪好工 ? 見人見智 , 但每種都有難處 , 笑對人面背人仇 .......

我都係專業 , 不過 , 已經係一個放棄本業既另一個專業人仕了 , 30 年前 , 我選擇左做向自己負責既 Trader , 起碼不須再要寄人籬下 , 要聽人點 , 一個自自由由既 ....人 

唔係個個人都岩做 trader 架 , 亦唔係你想做就做到 , 唔好聽人廣告咁講 , 肯入行就百萬年薪 , 呢個係想引你俾學費既詭計 , 從上文所講 , 要做就一個專業人仕 , 除左成球教育成本外 , 仲要 [ 經驗 / 時間成本 ] 去做過渡期 , 乜輸勿輸既過渡期可以 heir 捱過 , trader 既過渡期係要捱得過唔輸錢 / 輸得小 , 輸到你頂得住先可以 survive ....then sustain !!!

在互聯網無咁普及既年代 , 我地要以書本同實戰去自修 ( 想讀 trader 都無呢科 , 唔好同我講乜 CFA , CFA 同做 trade 無關 , 亦無助 , 查實我都係三份一個 CFA  ) , 要搵個好似但唔知係咪真係得既炒賣師傅 , 係天價 .....咁多年來 , 閱書無數 , 無分中外 , 凡係炒賣既書 / 秘本我都幾乎睇過 ( 當然 , 睇..唔代表..得 , 但連睇都唔睇就一定唔得 ) , 如今 , 可以過渡到今時今日 , 背後其實好多代價 ~ 最多係時間成本 , 足以 heir 一個  Phd 返呢 , 但如果我 heir 左個  Phd  , 就唔會做 trader 啦 , 一定係去呃教學 , 做學者 , 世事莫名其妙 , 無以言之

不過 , 要我再揀 , 我都會揀番做 trader ....因為 , 薪金自己決定 , 你可以選擇食大茶飯 ( 大頂底 ) , 又可以選擇密密吃 ( 即市高頻交易 ) , 出入時間自由 , 冇人管 , 自己向自已負責 

將來 , 是 [ 專才 ] 既天下 , 豬 PT 係取代唔到 Gann trader 架 , 因為全球最大果粒金融決策人 , 都係用 GANN language 寫 script 既 , 佢又點肯放個 source code 出呢攞俾人攪呢 , 我點知 ?  我唔知點 crack 到佢呀又 

但你一定要有三種野傍身 :

1) 炒賣功夫 ( 要累積 / 培養 ) , 起碼 [ SEE ]  到 what you trade , 先可以 trade what u see 

2) 紀律 ( 天生 ) .....sorry , 無得惡補或外賣返來

3) 金錢成本 ( 可累積 )  capital gain OF yr capital but not ON yr capital 

至於 , 你點樣擁有並利用上述三種東西 , 成為一個無寶不落既 trader , 你自己要諗清楚啦 !!!

我就今生無悔啦 , 你就要把握時光啦 , 祝各位阿 Sir 前途似錦 , 飲杯 

Happy weekend , have a deep thought yrself 

Yam 

p.s  上便廣告條友係咪扮我 ?  定係我扮緊佢 ? 

有 Blog 友問我唔係話通關後番大灣住咩 ,  實際情況係 , 經過朋友實測 , 大灣內無論互聯網有冇用埋 VPN , 都難以正常網絡去外國 / 香港平台做 24 hour live trade , 咁即係叫我返上去日日發呆等死 , 希望有關方面向上邊反映 , 作為將來會更加開放對外既大灣區 , 網絡上無對外開放的話 , 就等同廢墟一個 , 無法吸引更多人回去長住或發展 !!! 

其實以現今科技 , 選擇開放幾個灣區網絡 , 只係㩒粒制既事 , 而且實名制已落實 , 無人咁傻會在網裡攪事 .......開放灣區網路 , 一小步就成就一大步 , 雙贏 , 越多人回去 , 資產財富就越迥歸內地 , 越多人考慮買番一潭死水既內地樓 , 係一件好事