今晚過了一個好 [ Chill ] 既幾個鐘

年尾 , 又到了飲宴時間 , 其他既飲宴其實已經推得七七八八 , 但家人既每年就是推不了 , 因為今年多左幾個新生世代長大了, 點都要去 [ 把弄 ] 一下

細路其實係最天真無牙 , 喜歡就說喜歡 , 不喜歡就即刻 say no , 好直接 , 無面俾 , 唔似得在大人世界裡 , 可以變臉, 所以 , 我喜歡同細路玩 , 因為...我都係一個幼稚的大細路

成日去食飯果間酒樓 , 在這幾年已經 [ 轉身 ] 過好幾手 , 好彩係次次都無換部長 , 所以以相熟既關係 , 方便不少 , 今年既全包宴 , 都無乜點加價 , 仍然在抵吃既範疇 , 可能同市面剛復甦關係 , 都唔敢加得太利害 , 等舊客回歸到咁上下 , 再作打算

前幾天感冒剛好 , 身體回復之前狀態之餘 , 比起以前還好 , 距離上次手術剛好是六年 , 所謂 [ 六沖 ] , 我終於明白醫生同我講個手術後起碼以 [ 年 ] 計先可以康復 , 身體筋骨在年紀大時出事 , 要完全復原並不容易 , 以年計已是必然之事 , 話明六沖 , 剛過之 [ 壬寅 ] 亦代表左 [ 痛苦的內容 ] , 整年不在狀態裡 , 已是預左之事 , 所以 trade size 已經降到好細 , 等個年關過左先算

前兩天剛過壬寅年最後一個節氣 , 即係已經真正進入了 [ 癸卯 ] 年限 , 以天干論 , 壬癸都是水 , 但有些人就是只能用陰水或陽水其中一個 , 呢樣野同土木順逆限有關 , 自己研究下就明

癸水為我所用 , 亦即來年運氣轉佳 , 冬至節氣過後 , 氣感明顯唔同左 , 如果你恆常同大自然打交道的話 , 就會好容易感受到了 

吃飯時我刻意將份量減少 , 因為經驗話我知 , 過飽對我既腸胃有害 , 呢個係先天 Virgo 既弱點 , 如果你知道自己弱點又唔理的話 , 咁就是任性 , 當然有效果跟尾啦 , 呢種就係佛家 [ 戒 ] 既用處 , 戒通常是用來對治自己弱點用的 !!!

飯後 , 我又刻意地不坐佢地車走 , 在街上慢慢散步下 , 行左成個鐘先搭車回家 , 今晚天氣其實是好適合散步 , 不太濕冷 , 但有點涼 , 只要穿衣得宜 , 可以好舒服地在街流離

回到家裡 , 有點兒累 , 就捐上床打滾 , 剛吃過飯 , 剛消化緊 , 所以血氣向胃裡去 , 人變得很.... [ 慢 ] , 躺在床上好似有半點累 , 但又好舒服既感覺 , 加上回家後慣性開左 hi fi 收音機 , 半夢半醒地地濛濛中有些幾 chill 既音樂傳到耳中 , 成個人好似升左上神枱咁 , 如是者好迷幻咁 look 左三個鐘 , 到半夜二時半始起來 ....

真的感恩 , 此刻過了大半世 , 仍然可以有咁舒服既晚上 , 成個人好似 re-boot 過咁 , 其實.....仲需要 d 乜呢 ?  我無諗過 , 亦無打算去 set 個目標 , 人能睡得著 , 能吃得落東西 , 已是萬幸

https://www.youtube.com/watch?v=qH1_FsNfe00

Yam