天下無不散之筵席

今天就是兩個多月以來 , 持續八個星期網課  2022 Gann skills Workshop /  Intraday Workshop 完結之日子 , 結尾有一段小插曲 , 就是 Zoom 緊用作上堂之主機 / 副機 , 突然在 [ 加時 ] 中兩部一齊 hang 左 , 教 Gann 教左咁多年 , 我經驗話我知 ~ 係時候 , 唔可以再多講了 , 以前上過我堂既人都明 , 係時候要完了 , 而事實上呢次課程內容 , 已是我多年來教江恩之冠 , 希望你地得益不淺 , 每個工具加以練習 , 用時就能心領神會

[ Time , Price & Pattern ]  係江恩炒賣思想核心重要部份 , 呢八個星期裡面 , 你地全都已認清楚呢三個部份 , 由 macro 到 micro 每部份都有其重要性

可能你地目前尚未能將三樣野聯起來運用 , 但就如我今午在堂中講既一樣 , 江恩野 , 其實就類似 [ 術數 ] 相近 , 你一方面要懂得計算 ( 數 )  , 另方面要多從運用 ( 心術 ) 中取得熟諳 , 始能取得竅門 , 圖多看 , 多畫 , 得出結論就會更精 , 更準 

江恩工具 , 坊間中以 [ 多 ]  為取決 , 而我 , 則以 [ 減法 ] 為主流 , 盡量將多餘而不確定的工具減省 , 免卻了複雜的思辨 , 令用者能作出更快更精準之判斷 , 此等用法可能你覺得有點兒 [ 怪 ] , 但你用多後 , 自然會明白 [ 怪 ] 的好處 

之後我會悄作休息 , 才決定會否再開番判市 [ 月會 ]  及  [ 小工具 , 大作用 ] 一天簡短炒賣工作坊 ..........以後在 Yam Blog 再通知你們吧 

光明大門已經為你地開左 , 你想去到邊 , 就睇你自己有幾努力了 , 發夢既繼續多發夢 , 不過要將夢一一 [ 實踐 ]  , 真真正正實實在在地把握自己想發的夢 , 因為........你地付出既已經可能係  [ 夢境成真 ]  既發夢最低成本了 , 炒賣本來就無成本 , 就讓呢一個低成本去大槓桿地創造你下半生既財富吧 !

2022 Gann Workshop 最後的一個瑕疵 , 可能就是今午 hang 機後 , 發覺錄影只能去到 Bitcoin 段落 ....跟住既全部錄影都已失去 , 連 cloud 都搵唔番 , 點解會咁 ?   Only God knows !!!  

就待班長剪裁好後 , 再安排播出 , 不過只係去到該段 ......也許是天意 , 同炒賣一樣 , 我地已作了最好的準備 , 但......意外同錯誤.....始終是遊戲之一部份 , 是必然會出現的 , 雖然係咁 , 但我諗 ....重要既知識曲譜已經傳遞了給你們 , 其餘既只是配樂而矣

最後一句 : 尋找廣闊及深度夠之市場 , 大江河總比小河道多魚兒

有緣再敘 

Yam Group Gann Research 

Yam Chief