今晚要從舊既 hard disk 搵番一些軟件 , 我大概有 6 -7 個 , 每個 80G - 200G 不等 , 本來應該一早將佢地併合埋去一個以 T 數計既 hard disk , 不過咁多年來都無真正搵到時間去做 , 所以 .....
由每個 hard disk 既時序去睇 , 最早既已經係 2001 年 ......珍貴回憶亦由此而起
21 年前 , 我 trade 緊 HSIF ....用既睇圖平台軟件是 Winquote ( 可能好多人都用過 , 當時係用 modem dial ....da da 聲既 ) , 唔知而家仲存在否 ? 個市完左當日 , 我要即時 print 左幅圖出呢 , 若果唔係就會攞唔番 ( 當時係無法存低 data 既 ) , 有時遇上 data provider down 左 , 我就要自己用手畫 , 所以上面有幅手圖 , 係一分鐘 interval 既 , 非常經典
如是者 , 我就日積一日 , 年積一年地 , 儲左好似成本字典咁厚既圖 , 唔好以為我只係儲埋 , 每天收市後都會 print 2 幅出來 , 一幅用作練習畫線 , 練習做 projection , 另一幅後備存底 , 跟住在腦海中回憶番 / 研究番當天之趨勢係點樣發生的 ......每晚花上 4 - 5 個鐘 , 遇上星期五 / 六 ....可能睇到天光
當時已經是一個好慳吝 , 自己出糧俾自己既全職 trader , 但仍然記得好優悠地住入了無人煙既 [ 悲情私人屋村 ] 米浦對面嘉湖山莊 , 十室九空 , 從來無人同你爭用會所泳池同 gym 房 , 所以夜間好靜 ....有時睇圖遇上開心 , 研究有收穫就半夜落街走去 7 / 11 吃夜宵 ( 行半個鍾 ) , 吃完一個人又花半個鐘漫步回家 , 相當浪漫 , 星星當時已經睇住我大 , 成日培住我行番屋企 , 偶爾雨云先生都會送我一程 , 相當狼狽
時光飛逝 , 原來連埋之前炒匯歲月加埋呢 21 年 , 日日夜夜 , 我已花左大半世在呢行 .....現在睇番 .....真是有血有淚 , 汗水一大灘 , 不過......自己亦覺得值得 ....
我係咪自己安慰自己呢 ?
I don't think so , 世上有幾多人可以做自己喜歡既野 , 做上咁多年呢 , I 'm just a lucky guy , am I ?
係呢條路揀左我 , 定係我揀左呢條路呢 ? U bet ...星夢造星前傳 retro ? 我花左幾多心血 , 失去左幾多去發夢 , 你又點會知呢 ....All I know & I believe is .....I won't regret no matter how !
唔好誤會 , 我從唔會叫自己做專家 , 我只是一隻好勤力既 [ 蟻 ] 俠
https://www.youtube.com/watch?v=nSJgWLSb0R0
Yam
好勁 要save 底研究^^
回覆刪除另外yam sir 點睇金管局出手接錢? check 番record 對上幾次大規模之後都...
此留言已被作者移除。
刪除都係一句 , 放下金融經濟花邊新聞果日 , 就係你成功的開始 , 現象出現唯一理由只係想引你附和吸你眼球 .....我從來反轉做.......
回覆刪除人地要沽港元攞番美金 , 中國 + 金管局有四萬億美元資產 , 沽出美元資產咪有美金還俾人囉 , 常識呢喳 , 100 億只是九牛一毛 , 傻仔先會驚 , 亦只有傻既先會理
金融市場唔係靠估岩賺錢架 , 靠做岩方向先可以賺錢 ......Trade what U see always
我諗吹打深宵睇圖，跟宅男深宵睇AV寫真，一樣咁浪漫。
回覆刪除好多野 , 你只要樂在其中就係 [ 浪漫 ] , 唔需要人地知 , 亦唔需要認同
刪除