羅四海 ? 江恩千棍 [ 贏在轉勢 ] 騙案真實演繹

HSI cash index 

2021 年議息日

有人成日都講到自己有幾利害 , 每個轉勢日子都捉到 , 內裡其實存在住一個你可能唔知既 [ 真相 ] 

佢預測既日子 , 每次都係在聯儲局議息既附近 , 跟住佢會話 +/- 一日兩日...甚至 3 天 , 如果一個月佢俾出 3 個轉勢日 , 即係涵蓋左 9 天是轉勢日 , 一個月得 20 個 trade day , 9 天已是 20 天的 50% ....機率一半中 , 其實佢無預測過乜 , 只係你以為佢好準 ~ 50% 遊戲

附圖係 2021 年聯儲局會議息日子 , 我只將美國的議息日子 map 左上圖 , 幾乎係 100% 中轉勢果日 , 如果我出 post , 你當然會驚為天人啦 , 如果你考慮埋其他 [ 重要 ] 國家既議息日 , 你差不多已經等同江恩了 , 當然 , 真實既江恩理論係再要學術一點 , 我既學生就會知點解了

以後 , 駛唔駛再俾錢人....參加乜野網聚預測轉勢日月會 , 你自己考慮啦 , 參加左好耐既你 , 自己對番以前既記錄 , 就明白網聚只係一個吹水會 

咁點解議息會會係轉勢日 ?  息口去向主導資金流向 , 稍有波動則會有大型轉倉行為出現 , 造就了所謂 [ 轉勢日 ]  , 呢個係我以前炒匯既經驗 

你不如花多點時間 , 啄磨下點樣用技術分析去捕捉 [ 議息 ] 擬似轉勢日把啦 , 花費去網聚 .....免啦 

我地已經明晒 , 大既日子又係抄 , 細既日子又係抄 , 跟本唔係乜野 .....江恩理論

最後 ....自己花下時間 , 驗證下歷史除左美國議息日 , 仲有乜野國家既議息日係重要啦

我俾左一球你架啦 , 自己把握更多吧

Yam