你的識業操守如何 , 你的成就就如何

 

HSIF  ~ Perfect Fifth  Time division

好多人可能話我 , 我無做淡就叫人唔好沽 

朋友 , 你太幼稚了 , 坦白講 , 在我 Whatsapp Group ....在呢次浪頂 ( 250 )  2 月 15 日我已通知晒會員走貨做空對沖現貨 , 原因得一個 , Gann's favor time 66% 時間到  ( Perfect fifth ) , 你收到既料都可能係我會員傳給你的 .......其實我係知既 , 邊個傳出去都知 , 因果未到嗟 , 到佢就要還 / 收皮了

我亦叮囑佢地 [ 自己知好啦 ] ....唔好太張揚 , 我做野唔駛賣行廣告 , 講晒俾全世界人聽既

咁點解我可以沽空 , 其他人唔得呢 ?  

我無話唔得 , 而係只在高位做 .....已經去到極端低位 , 你再沽空一來已經無乜水位 , 再者會傷害實體社會經濟 , 即係殺左隻雞 , 以後唔生雞蛋 , 你亦無雞蛋吃 , 只有金融霸權國先會做既行為 , 四處將人地國家建立既經濟成就推倒 , 目的只是從中令自己好過

如果你係行業中被選中既 [ 中堅 ] , 你就應該做番在呢行既道德標準 , 盡量維持上落市 , 養到自己之餘 , 可以令社會孕育生存 , 大家都好過 , 你一個人行善派飯有何用 ?  比唔上失業率既 0 .1 個百份點 , 讓人人有工做 , 咁身邊朋友 , 兄弟都唔駛向你借錢啦 , 只有你自己有錢係自私 , 令身邊每個人都豐足先係大同 , 共富既理念我本贊成 , 有乜好得過人人有飯吃 , 唔駛比較 , 我讀經濟既時候已經是馬克思忠實粉絲

香港 97 回歸後 , 有賴紅色資本令香港維穩 , 維持左 20 多年大牛皮市 , 香港人亦有安樂日子過 , 之前我另一 post 講過 , 股市一定會跌回 97 交接前水位 , 因為香港真係一定要靠自己 , 長貧難顧 , 終於近期見番 18000 !!!

如果我地自己都唔爭氣 , 幫埋外資手沽空 , 咪即係倒自己米 , 令香港更難過落去 , 你又有乜好處呢請問 ? 

兩者取其長 , 一定係上落市玩得長久 , 傷害自己國家經濟既野 , 不做為佳 , 亦無必要 , 所以我已經在跌浪中間 , 開導會員平淡倉 , 開始買野 , 支持翻香港經濟  

坐埋一條船 , 隻船唔沉仲有得挣 , 隻船沉左 , 起碼三五七年 .....我經歷過 97 / 200 / 2008 .......我明 , 唔想身邊既人受苦 , 就要在適當時候做適當既野 , 呢個先係專業操守既背後意義

錢俾你搵晒有何用 , 天天對住苦口苦臉既人 , 咁樣你會開心嗎 , 定係你見到你成家 / 周圍既朋友一齊有傾有笑開心呢 ?

共富既本質並不是出面 [ 顏色人 ] 講既淨係佢發達 , 而係一齊開心地生存 , 過渡到落去 , 人生只是一場夢 , 過得開心便是 , 下下走牛角尖幾時過到世呀

Yam