信科技 ?

 我地都曾對科技有過霞想 , 可能你都用過 Palm ( 呢一代應該唔知係乜 ...search 下 )  , 用過九斤重大哥大 , 用過 M 記摺機 , 買既當時好似好貪慕虛榮 , 有好多理由支持同自己講話可以有幾多用途 , 幾多好處 ...........

今天我在大掃除既時候 , 在膠箱中找到我都基乎唔記得佢存在既科技野 .....SEIKO ASTRON WATCH 一隻 , 買既時候 , 心想 ...佢真係第一隻用 [ 光能 ] 驅動 , 可以用頭頂天上既人造衛星 GPS 去即時調效出全球 39 個國家時間既產品 ......心裡當時想既係 ....無論你去到邊旅行或工幹 , 都唔駛再 [ 效表 ] 適應當地時間 , 方便 ........點知 , 半年後 Casio 利用 GPS 又出了該功能既系列 , 取價二千有找 !!!   到了今天 , 我地已有手提智能電話 , 無需要再用手表了 , 一個電話世界通行  

今天 , 在百貨公司買野排隊俾錢既時候 , 前面有條友用電子 [ 豬付 ]  , 大大聲話係 Apple Pay .....個收銀完眉宇之間好像有 d 野 ....果然佢比神棍測市更靈光 , 部收銀機俾個 Apple pay hold 左 7 分鐘都話唔惦 , connect 有問題 , 如是者收銀問佢再試唔試多次 , 條科技炳又真係好唔客氣咁話試多次 ......我當時真係佩服收銀既預知 / 測能力 ......果然 ....再 hang 3 分鐘 ......

現場得一個收銀機 , 亦已經有約二十個師奶排緊隊 , 我諗你都估到當時大家既表情會點 !!! 

科技炳在咁多對眼射住之下 , 同收銀講 .....發達通啦唔該 ......張發達通一秒攪惦

我想講既係 , 科技有時表面上好駭人 , 亦好時尚 , 但感覺好快會無左 , 亦靠唔住 , 佢最靠唔住既地方 , 就係好快會被 [ 新科技 ] 取締 

老婆同女朋友就梗係越換多幾個越好啦 ......科技 , 只怕越改越....糟糕

Yam