鬼節話無常

太多無知既人日日想問個世界會點 ? 

坦白講 , 作為一個佛教徙 , 仲係活左咁多年 , 有好多生活週遭體驗之後 , 會講你知一個事實 ~ 有求皆苦 

求神拜佛 , 上香祈禱 , 希望被所謂的神寵愛 , 被加被 , 有較好生活 , 好遭遇 , 不會惹禍 , 其實都是徙然的 , 你諗下你平常在路上奔走既時候 , 有否留意地上既螞蟻或其他昆蟲呢 ? 

偉大既神祇 , 就如我地行在路上 , 地下既微細昆蟲 , 就像我地在求救一樣那麼不顯眼 , 如果隻昆蟲不懂大叫 , 又或者無特異功能發光之外 , 神祇跟本唔會睇到佢 , 更甚者 , 可能踏死佢都未定 !

人能夠發出 [ 求救 ] 既聲音 , 係要好專注同持久 , 唔係臨急抱佛腳 , 一時三刻就去搵神幫手 , 如果係咁 , 神應該次次同你計錢 ~ 如果救到你的話

如果你唔同意 , 我地又嘗試用第二個角度去思考 ......

如果真係有位神祈 , 你求佢就幫你的話 , 咁...佢係咪犯左受賄罪呢 , 又如果阿 A 求佢殺左呀 B , 阿 B 又求佢殺番阿 A , 神祈會點呢 ?  內裡有否不公平原則可以去平機會上訴 ? 

學佛較深既 , 就應該知道 , 無人可以抵擋 [ 因果 ] 既追究 , 就算神祈 , 佢本身亦是受果服之物 , 所以亦不能不受牽引 , 縱使受到世間信眾託付 , 亦不能過份地干涉 , 佛家有句話 : 菩薩畏因 , 凡夫畏果 ....就係描述菩薩如無意外 , 係唔會干預人類因果法則既 

既然上界唔會理我地 , 我地做事前就要更加三思 , 因為所有野我地都會自己受番 , 完全唔可以逃避責任 , 呢個時候 , 就係 [ 智慧 ] 出場了

智慧唔係本有既 , 智慧係多生多世累積番來既 , 有人話修番來 , 用意係一樣 , 道理上就如同細路生出來乜都唔識 , 每件事都從新學起一樣 , 智慧亦有大智慧同小聰明既分別 , 好多世界仔以為搵快錢既途徑只是小聰明 , 我地越睇得多就明 

整體上呢講 , 有心去求 ~ 無論係乜野成果 , 都係一種單向思路 , 要有回報既 , 就會有痛苦 , 有犠牲 , 帶來不尋常既鉻印 , 你小時你呀媽求黃大仙求你上進聽話 , 咁多年來有無岩到呢 ?  相信無囉 , 日日擔心你 , 日日為你痛苦就大把

放下有求的心 , 隨遇而安 , 先係解脫既一種 , 你越有求 , 無常鬼就越有位入你了 

仲有就係 ,做每件事前諗下對錯 , 件事因果會幾大 , 而唔係從金錢回報去諗

學佛又好 , 學神學又好 , 唔係天天上香膜拜先叫神心 , 而係睇下自己既日常行為有無智慧 , 有無進步先岩 ....如實觀自心

阿彌陀佛