兩種能贏的人

 

呢篇文係一篇令你開竅的文章 , 本來唔想登出來 , 因為 , 明左之後你可能成為我對手都未定 , 不過基於你明左之後 , 都要經過時間練習洗禮 , 累積經驗先可以同我鬥 , 咁.....就當係你有緣睇到啦 

操盤 , 從來唔係什麼超級 [ 獨特 ] 技術令你變得 [ 能贏 ] , 反之 , 你只要找到一個岩你 , 而又係你 [ 用得到 ] 既方法已經 OK , 餘下既就只係點樣 fine tune 呢個技巧 , 將致勝 ratio 提高 , 磨練下出入市既純熟 , 已經可以了 , 當然 , 你更要找出同一方法中有否更好既唔同落倉方法 , 令每一個賭局都能進退得宜 , 去適應 , 去變化 , 從而去不同既情況下 , 應對市場 

在我既經驗同觀察裡 , 有兩種人 / 方法 , 比較容易掌握勝訴 .....

第一種 , 對市場反映較快 , 而可以因應市場改變 , 跟得上既用靈活方法 , 適合 [ 即市 ] 短炒 , 即日計數 , 又或持倉三兩天則評估睇法既短線 trader , 要點係 [ 唔可以 ] 有太大既主見 , 唔好有太長既睇法 

第二種 , 永遠都找一個可能出現大頂大底既機會 , 將利潤坐翻來的 , 呢種 trader 要好有耐性 , 好有睇法 , 唔容易改變 , 但有紀律 , 隨時作出止蝕可能 ,  睇圖係每星期只睇一次果隻 , 不會以市場突變而即時修改倉位

你可能話 , 咁我已經講晒 trader 既特性了 ........

其實你只要觀察下自己 , 有時係第一種 , 有時係第二種 , 更多既係 mix ......所以 , 並未能用盡每種 [ 能贏 ] trader 既特性 , 偶有因兩者之矛盾 , 而被牽引於兩種之間 , 呢種....係我在這行生涯中見到最多既 !!! 

所以 , 要成為一個 [ 能贏 ] 的 trader ,  並不是找尋方法 , 而是找出自己是那一種人

 

Have a nice holiday !

Yam