樓市 square ? 有圖有證據

 

香港死穴

好多人關心既樓市 , 其實唔在我擔心之列 , 因為早幾年已賣樓 ( 今次無考慮頂底問題 ) , 我一個人 , 已經一把年紀 , 住邊處都無問題 , 就算走去西伯利亞 , 只要有 internet 就做到野了 , 況且我現在亦已經放慢動作 , 依時間到先郁手 , 只要每月能以資金炒出穩定回報 , 就可生存落去 , 700 尺村屋連天台 , 現在都只係租萬多元 , 唔算好重負擔 , 唔再入市係因為現在太貴 ( 短期將來亦會回鄉在祖屋長住 , 跟本老左既住屋問題不存在 ) , 下便講既只係我以陰謀論去睇樓市 , 可能只是偏見 

香港樓 , 其實不能同大陸樓混為一談 , 香港樓市已經係一個非常成熟既市場 , 成熟既意思係 ...好多人或集團 , 都已經懂得走隙縫 , 去走特別渠道搵食 , 在香港搵食既不只是香港幫 , 我諗而家連烏干達都有人擁有香港樓作商業用途了 

什麼硬性需求 , 跟本都不是樓市只升不跌的理由 ........

呢二三十年 , 香港造就了既係一個超級金融城市 , 在資金 [ 自由出入 ] 既前題下 , 呢個已經成為黑金天堂 , 世界各地既黑錢不斷流入 , 就算舊年社運咁亂 , 燒足十八區警局 , 之後從金管局得知 , 資金並無流走 , 反而增多 !!! 

證明左 , 香港作為一個國際黑金夾萬 , 非常安全 , 死人尋舊路 , 已經在香港落地生根既黑金主 , 跟本唔會搵到另一個地方 , 套現快 , 穩健 , 而又無麻煩既去取代香港既地位 , 黑金最多既就是印尼 , 菲律賓 ....只隔香港幾個鐘頭機 .....要出入既從來是易事  

至於黑石投放入大陸既 30 億美元 , 係睇起碼 20 年既長錢 ....好簡單 , 大陸經濟起飛已是事實 , 經濟起飛既地方 , 跟本對 [ 高級 ] 住屋有需求 , 黑石投放既點解唔係 B 貴完 , 又唔係佳笑業 ?  

Soho 以前既定位 , 我記得跟本就是高級有品味設計商場 / 住宅 .....依各大城市既成長經驗 , 經濟好 , 人富貴了 , 當然要有品味 ....而外國入去打工既 , 多會考慮租高級住宅掛 .....變相支持了 Soho 既客路 , 而只要有客路 , 而大陸整體經濟長週期仍在上升的話 , 房產....仍是有保證既長期投資考慮之列 , 當然大前題係 macro investor 已經放棄了美國 , 熱錢先會東來   

香港樓依圖去看 , 係 square 左 , 但現在仍在高位徘徊 , 以時間消耗緊波幅 .....相信無乜大事發生 , 都跌唔落 , 橫行多幾年 , 過左 2025 又升過 ( Dewey cycle 17.7 年 ) 

前輩吳師青先生預測過 , 香港係一個三元不敗 ( 180 年 ) 既都市 , 將來大嶼一帶亦會係超級國際市鎮 , 如果係咁 , 填海計劃理應預定會依期推出 , 或者 , 到時才可以解決住屋問題  , 又或者 , 依香港海岸線 / 郊區填出土地 , 其實...都唔少架 .....

香港人 , 成日都要返工就腳 , 總唔希望搬離原地居住 , 呢個係不智既 , 一來限制左自己既眼光 / 出路 , 二來 , 捱住好貴既生活成本 , 得來既係 down grade 既生活形態 , 現在中方已經落定計劃了懸浮鐵路開至深圳 , 從大灣到港工作返工 , 絕對可以在一小時內到達 , 對比之下 , 在大灣生活成本 , 比起在香港平得多 

其實在外國返工 , 分分鍾都要幾粒鍾架 .....

冀望香港樓價回落而再上車供一世樓 .......同虐待自己一世無分別 , 因為好大可能 , 2022 - 2024 果鋪全球 slump .....你剛剛入左去 ......

你不如過埋呢一鋪先諗啦 , 最多遲多二年嗟 .....我信江恩 .......佢從未令我失望 !!!!!!!

到時 , 可能有平盤執呢 

Yam