夢方程

 

係人都有發夢權利 , 無人阻到你 , 但發夢時 , 唔該定出一些 [ 發夢原則 ]   

發夢前 , 去廟街行一行 , 睇下命 , 了解自己有幾大 ( 有幾好運 ? 現在是否行緊運 ? ) 

如果有條件既 , 繼續可以發 , 但要有人養 , 生存到 ....等到夢境成真 , 你現在明點解公仔箱 d 姐仔好多朋友了, 若果無條件既話 , 跳落下面改變發夢方程 

第一 , 訂出時間性 .... 搏 [ 命運之神 ] 睇漏眼 , 唔覺意俾你爆冷門跑左出呢 , 另要同自己講會發幾耐夢 ?  設埋止蝕 , 唔得既話 , 幾時夢醒 , 有必要時搵個人做證 , 推醒自己 

第二 , 將夢境擴濶拉長 ...此方法適用於平常有工作者用 , 正常工作交足功課 , 用薪金養住自己 , 繼續發夢 , 冀望有日打動命運之神 , 行差踏錯 , 放你一馬 , 俾你發夢成功

第三 , 乾坤大挪移自己之思想模式 , 培養一種能夠等同發夢達成般既收入技能 , 成功不外乎都係錢作怪 , 若果你既收入已達成功模式 , 何需再去發夢 , 不過如果你發既夢唔係錢 , 係名氣的話 , 我幫你唔到了

試計算如劉華今天之身價 , 佢用左 30 年 ( 360 個月 ) 先做到既成就 , 若果你 break down 佢以月薪計 , 其實唔係太離地 ...當今好多人都做得到

再講下 [ 發夢 ] 的限制 ~ 其實無架 ....最大既限制就係你當佢係 [ 夢 ] 囉.....明未 , 不過發夢有一樣野係一定唔可以既 , 就係 [ 想個夢即時成真 ] ....

因為夢的旅程 ...係要累積既 

我絕對有資格講發夢 , 因為以上的方法 , 我用過晒 !!!

Yam