巧遇老孫

 

年近歲晚 , 提早團年 , 疫症當前當然唔能夠大排延席 , 所以到酒樓打包 [ 團年餐 ] 走飯回家慶祝 , 當係團年

此時此刻 , 大家都慶幸各人身體平安 , 都尚有工作做 , 睇怕都已經係萬中大幸了 , 家中成員大都已經退休 , 下一代的樓已供上了多年 , 負擔不算重 , 在國際大集團門下打工 , 但據佢地講 , 今年都少不免有職員被 laid off , 過年前吃了無情雞

有趣既係 , 當中有家庭成員公司埋單仍然能有三四成營利 , 有花紅收 , 可見得街外各行各業並不是全部都差得咁利害 , 相當參差

飯後同班細路玩 , 俾佢伸左一腳 , 初頭以為佢踏住粒飯 , 突然發現左原來有件幼少女 [ 孫悟空 ] 成日在我隔離都唔知 , 家庭中最幼的一份子 , 原來係  [ 腳踏一星 ]  ....

古時腳踏一星 , 能管千兵 , 現今女的 , 就是能收觀音兵也罷 , 佢有佢自己既命限 , 作為佢身邊既人 , 無謂去牽涉入去 , 況且富貴不及閉翳 , 閉翳不及無知 , 你睇公如甘 10 億身家天天吃 M 包就知富貴有幾辛苦啦 

做人既野 , 順其自然 , 過得去就算了 , 比上不足 , 比下有餘最舒服 , 所以我都無同佢相親提呢件事 , 吃完甜品就各自回家了 

Yam