雖說好心唔怕做，不過如果好心幫助別人後，卻發現被騙，又會如何反應？日前有網民在旺角遇上一名可憐婆婆，她在電話向友人哭訴冇錢食飯睇醫生，網民慷慨給對方$500，事後卻發現對方在同一位置講同一對白。網民公開事件，隨即引有大量留言表示曾中伏，「我都有畀過$1000」、「佢都有問過我」、「佢真係堅好戲」
網民Raymond Lee在Facebook群組「巴打絲打 Facebook Club」發文，指早前在旺角遇見一頭灰白髮的婆婆。當時婆婆喊着傾電話，又可憐兮兮地聲稱自己冇錢食飯和冇錢睇醫生。Raymond雖然覺得有可疑，但仍選擇相信對方，「因為萬一佢冇呃人，我就係見死不救」，故給予對方$500。然而，日前Raymond卻與婆婆重遇，婆婆似乎未有認出他，以相同對白橋段博同情討錢。Raymond在貼文抵死稱：「有冇社福界人士帶婆婆走？佢講電話講到喉嚨痛喇喂。」
貼文隨即惹來極大回響，不少人表示自己「中咗伏」，分別給予婆婆數十至千元不等。有人亦在鰂魚涌遇過她：「我都掙扎過，但我寧願信錯人，都唔想幫漏手。」也有人形容婆婆演技精湛，「佢真係堅好戲㗎，比演員更易流眼淚」、「佢當時好大聲話『我真係冇錢交電費啦，你幫吓我啦』，喊到好誇張。」有網民建議，若日後見到婆婆，應立即報警，以免她再欺騙善心人。
網民有話說
Chelsea Sze：我唔會畀錢，我會話買飯佢食...以前荔枝角運動場嗰邊都有個...我一話買飯，佢即刻走開唔理我
Wikiamau Au：咁都信，$500捐畀無國界好X過。我唔係同情個阿婆，係同情你。
Ada Lee：如果真係冇飯食，我會買埋盒飯畀佢食，唔會直接畀錢佢，唔想畀佢欺騙我善心。
----------------------------------------------------------------------------
呢種人我成日見 , 我會話帶佢去社處見福利官 !
現在越呢越多人在街邊呃人 ,賣旗既天天都有 , 佢地既呃人行為其實種下左好多惡果 , 最大既莫過於真正有需要幫助既人會被人誤會
不過 , 我都係建議你同佢去社署 , 香港地 , 真係唔會餓死人 , 街邊公園既流浪漢 , 九成係扮可憐既老同 ....信我吧 , 我好有經驗
Yam
沒有留言:
發佈留言