Alone .....but You are not alone

本來好多野做 , 但良知著我不得不放下工作 , 寫下這篇 blog 

早幾天 Yam Blog 既一篇 post 突破了我地 11 年來既 click rate .....在一個從來無乜人回應既 blog .....Silence is broken 

認識我深既學生 / blog 友都知我平常少講野 , 要講既野都在 blog 裡表達 / 訴苦 , 呢幾年 , 我用電話既次數 , 十隻手指數得出 ....或許呢個就係現今社會問題所在 , 就連我呢種逆流大叔都不願溝通 , 咁 ....青年人既不溝通文化 , 不言而喻 

從一個無人講野既 blog , 走左好多人出來講野 , 佢地唔係衝動 , 而係勇敢 / 感性 , concerned , 表達到佢地都已被 [ 激活 ] , 仲係赤裸裸地將佢地既自身經歷 / 成長 / 意見同我地分享

我同佢地其實都差不多 , 是香港仔 , 本土自決派 ,  blog 內話題本來就以經濟為主 , 民生為副 , 要真正討論社會政治問題 , 維園阿伯會好過我好多

我過渡 97 時 , 其實都對  [ 過渡 ]  抱著懷疑 , 考慮過走人 , 因為身邊既朋友 , 都紛紛另謀去向 , 而熟悉既警界舊同學 ( 政治部 ) 亦已在 97 年前二年解散 , 移民英國 , 從佢地既口中 , 亦明白點解英政府當時解散政治部的原因 , 就連我一生中最愛的女人 , 佢父親都要送佢走 , 遠漂澳洲 , 假借讀書而去 

在猶疑既同時 , 唔捨得既 , 係我既雙親 , 年紀老邁 , 對多一日得一日 , 仲有唔捨得既 , 就係我長大的地方 , 一個同我 [ 並存 ] 左三十多年 , 充滿回憶既地方 , 你問我佢有乜好 , 我仿佛講唔出 , 但好多人話如果人去追求佢既另一半 , 沒辦法說出佢喜歡既係乜 , 就真係愛上佢 , 我諗呢樣野都是真的 !

從被隻 [ 鬼 ] 考驗左幾年 , 到 97 交接當晚 , 滂沱大雨 , 我的眼淚真的流下來 , 怕的可能是一個 [ unknown ] , 又或者是我的所有回憶會突然失去 , 換來的要面對新環境 , 新制度 , 談何容易 

當時已是佛教徒的我 , 就本著八個字傲過來 .....[ 物來則應 , 過後不留 ] ....存活至今 

加上閱讀過李光浦先生的 [ 命運組曲 ] , 意識到 [ 人不是沒有自由意志 , 而是逢厄運之時無正常之理智 ] , 此話面對當前香港之形勢 , 回看我之前開的香港 Natal 而言 , 千真而萬確 , 我們能夠做的 , 就是應用所有的知識去處理人生 / 香港問題 , 解決疑難 , 俾使生命可以充實一點 , 一齊找出  [ 維根斯坦的撥火棒 ]  第三時刻 


但願今次香港都能成功過渡下去 



God bless Hong Kong