大鄉里返鄉下

來緊既舊曆新年 , 應該係我一生中最特別的新春


幾十年來都無番過鄉下祖庭 , 今年要番去拜祭下太公 , 兼且多謝各方鄉鎮老表 , 好在佢地都係佛弟子 , 代為安排幫手將眾多祖先神主牌遷往光孝寺安住 , 可令祖先每天都聽到經訓 , 實為一大樂事 , 功得無量

由於從來無番過去 , 所以鄉長想我地帶番晒所有證明 , 之後將我地既名字正式編入族譜 , 顧祖歸宗 , 成為祖庭後人 

昨晚翻箱倒籠 , 幾乎反轉間屋企 , 先能搵翻張  [ 英殖民地出世紙 ] , 本來應該唔見左了 , 好在兄弟在老爹走後代為收藏 , 唔知幾時在邊個場合 , 輾轉先轉交番給我 , 我又基於無乜特別原因去用 , 所以下意式地唔知放左去邊 , 攪到咁狼狽

英殖民地出世紙係香港既上一代特色 , 唔知而家仲有無呢 ?   ( 我是天煞孤星怪俠一支梅 / 公 , 所以唔知 )  

望住張出世紙 , 其實都製作精美 , 仲好威嚴 , 用英國憲章 chok  , 正正就是我地呢一代香港仔既 [ 佐證 ] , 出世紙上 , 有父母之名字 , 祖籍 , 職業描述 , 對於之前無乜仔細去睇 , 老豆當年寫佢係 merchant ....怪怪地 ....可能係當時個官求其寫上去

要做多 d 功課了 , 因為成個世紀都無見既祖先 , 分分鐘都幾熱情 , 事實上 , 有 d 姪兒既仔女 , 早排已夢到佢地 ....notify 我地回鄉

九法界 / 世事既野 , 你都咪話唔真實 ....



Yam