皆大歡喜

今晚股票期權月會 , 很高興見番好多舊 member , 亦歡迎有更多既新人 , 所謂新知舊雨 , 一齊出現 , 不亦樂乎

佢地無出現好耐 , 係因為以前我已將最有用既東西 , 時間 / 價位教左佢地 , 而佢地既功夫亦日益成長 , 漸次變成了佢地自己既殺手癎 , 能在市場馳騁了 , 今天番來 , 其實更像是向我地問好同探班一樣

在咁多年既教學裡 , 其實 ....我同老中醫一模樣 , 病人醫好左就唔會再番來睇病 , 而學生 ...則一輩子想尋找一套有效既炒賣方法 , 搵到了亦不需再回來 ...所以我地既參加人數 , 亦恆常維持住咁上下上落 , 是炒作界江恩少林寺

寒暄之下 , 仍有舊生在呢行發展得唔錯 , 是專做報告俾外資行參考用既 ....始終 , 金融呢行好睇自己 , 你放左幾多時間落去 , 就有幾多收穫 , 亦開心見到學生覺得自己比以前進步 , 無論是幾耐以前 , 我都係同佢地咁講 , 你在市場裡悟到既野 , 係 unique 既 , 無人可以在你手上拿去 , 亦無人可以隨便取締你 ( 當然 , 要你懂贏先得啦 ) , 唔好以為  [ 懂贏 ]  好容易 , 無番六七年落場經驗 , 你係唔會 [ 懂贏 ]  既

人與人之間 , 其實就是緣起緣滅 , 是過客 , 但如果能夠一起互相學習進步的話 , 就是好事 , 所以無啦啦今晚做番 [ 講師 ] , 上左身 , 講起課來 , 希望唔會悶親你地啦 

或許 , 過多幾年攪六十大壽時候 , 請晒所有徙弟番來飲一餐吧 !!!  

最後 , 都係要講句 Risk disclosure  ~  無運時小注怡情 , 有運時適當吐納 , 失運時縮埋練功  , 食幾多著幾多 , 個天同你計左數架啦 , 若果唔係 , 點會宿命到計到時間價格呢 !   此乃大智慧 , 三思三思

Practise made perfect ....Always 


教學相長 , 是你們令我去到炒賣極致之地 .....I hope I have made u grow up too  ,  Tks all of U guys , I miss those happy days in the 童軍會 ,  It's near Christmas , may be we can have a party there !!!



https://www.youtube.com/watch?v=xB7JsbxCCDU







在下乜春 .....任問