晚上無聊地將個電視遙控器襟來襟去 , 睇左一個幾無聊既 RTHK 31 節目 [ 真係好科學 ] ....其實耐唔耐都會睇睇 RTHK ...有時有好野 ....
今晚 , 講既係 [ 量子力學 ] ......呢個話題與我好有關係 , 應該咁講 , 正確一點 ....同我皈依學佛有關
量子力學裡提及既兩個概念 , 同佛學裡既微觀世界出奇地好相似
頭一個是光電效應 / 波粒二象性狹缝論 , 另一個是係薜丁格貓 ~ EPR 悖論 ...量子糾纏問題既演繹
在無量宇宙宏觀之下 , 人 ~ 同量子 / 粒子其實都無分別 , 普朗克常數就是天天加諸於我地多生多世輪迴既身命上 , 時光而時暗 , 既是波又是粒 ...世世相續都以不同之波函數計算出我地既出生 , 性別 ,成長 , 種族 , 際遇 .....
至於薜丁格那隻貓嗎 ? 就是佛教裡的 [ 無常 ] , 你永遠不能確定事件之發生可能性 ? 幾時 ? 好壞 ? 結果 ?
因為 , 當你去看清楚事情....並想作出干涉之同時 , 事情已經改變了原來之本質 , 起了新因 , 穿梭於多個維度 , 產生多重結果 ,令你難以捉摸 .....已不是原來個隻貓了
我就是多年前基於呢幾個咁有趣既 [ 假設 ] , 信奉了佛陀 n 年前講既同一番話 , 投入了我的信仰
Yam
沒有留言:
發佈留言