小事一椿

近日收到很多同行或學生既  whatsapp 心理難題 , 每每環繞著近日接近癲狂之市況 , 本人作為一個疑似資深之 Trader  , 經歷過無數次數千點既日子 , 在此想開解下佢地既心理歷程


難題一 ~ 對近日市況無所適從 , 不知方向 , 迷失

難題二 ~ 幾千點之波幅 , 自己無積極參與 , 有罪惡感 , 又或有醋酸味

難題三 ~ 不段在各大群組找尋睇法 , 找不到好似是蝕左底咁 


[ 1 ]  任何 Trader , 我諗除非你係神 , 否則 , 正常 d 既都係界乎贏與輸之間 , 方向...一路都係一個值 1000 萬既問題 , 所以我經常都叫你地 Trade what U see ....見到 , 睇得通既咪入去 , 如果真係睇唔通既 , 就從今次波幅市既機會 , 去學習 / 了解市場既真實 , 各路人馬既做野方法 , 計算出入既 win loss parity , 對比一下各種工具既贏錢能力 , 思考下俾多次機會你 , 你會點做

從每一次既經驗 , 慢慢摸索出未來自己既出入市 set up , 他日波幅再出現既時候 , 你就不會再是束手無策 , 而是信心十足

[ 2 ]  波幅大小 , 並不構成所謂 [ 千載難逢 ] 既機會論 , 我成日都向學生講 , 如果你有技術 / 能力去捕捉一個幾千點既波幅 , 那你亦一定可以捕捉即市既一底一頂 , 依每天約 250 點既計算 , 今次 2000 點既所謂大機會 , 只需 8 天 ( 250 X 8 = 2000 ) , 你便贏到

 事實上港期發生 600-800 點既日子亦唔少 , 今次只不過是多了一倍多一點 , 機會永遠日日都有 , 冇參與呢一次 ....小事一椿 , 何足掛齒 , 只要你練好幾本功 , 前面大把機會 , 何需怪責自己 , 又或妒嫉他人 , 自尋煩惱

[ 3 ]   就算你尋遍全世界 , 都唔會有一個人 , 同你睇法一樣 , 又或你會完全讚同佢既睇法 , 信我吧 , 要成為一個成功既 Trader , 就係要培養出你自己既獨立睇法 , 同埋你做 trade 既獨立手法 


Investing is an Journey , it has no destination ......羅馬 ....並不是一天造成 , 如果有人話佢有捷徑 .....he must be lying 





Yam