下便既言論 , 可能對新入場瞓身炒期搏命並想僥倖發達既新手 , 產生反感 , 敬請留意
近呢一二年上我地堂既朋友 , 我都已經好明確咁表明 , 統計數據結果已經表達了炒恆生期貨指數既 Risk ro reward ratio 已經 downgrade 到榜尾 , 不宜作大注投入 , 原因就係波幅唔夠 , 用衍生工具既槓桿比不足以做到有效倍數回報比率
此話何解 ?
投機 ...就是將特定相同注碼投放到能產生最大槓桿倍數回報比率之投資工具上 , 以增取最大回報 , 如果以按金比例作基本 initial deposit , 恆指投入之成本 / 按金 , 要產生大 5 - 10 倍既利潤 , 其實是幾乎不可能
在期權市場上 , 以今月我既 314 Call 為例 , 可以產生出 10 倍利潤 , 就直情係奇蹟 ( 末日權另計 ) , 主要原因是本月波幅特別高 ( 接近單月上升四千點所致 ) , 而我又瞓 / 飄得耐
但切記如果倉位是用來過夜飄 , 每天只有十分鐘去打理既話 , 就唔好大做了 , 今次 ...仲係在 3 萬 2 點以上買上 , 其實風險實在唔低 , 你在呢個基點間炒賣 , 即係分分鐘玩緊 165 萬既現貨股票 , 細既都已經係 33 萬持貨 , 任佢飄既話 ....你要好確定你控制到先好 ......
仲有 , 你地可以打聽下各國既炒賣群組 , 咩都有人炒 , 但就好少見鬼佬炒港期既 , 總有理由 .....
基於我已研究左二十多年港期 , 飄下倉其實只係對佢既情意結 , 係心引呢 , 偶有收穫作棺材本亦係好事 , 而且棺材山地價格年年升 , 但又唔見有人炒 ( 其實 ...骨灰安置區都有人炒緊 )
咁炒乜先好呢 , 學生已全部都知 , 亦見過晒統計數據結果 , 怕且練習緊 .......
如果而家先有人開班教炒恆指期指 / 期權 .....咁 , 你有福啦 ....又或有難
最後 , 呢個遊戲唔係鬥你贏得幾快幾多 , 而係鬥你贏得幾穩幾耐 , 索老活到今天 , 係因為佢既座右銘 : Survive first
以上只為本人咁多年之統計數據荒謬論 ....Don't be too serious , as always
Yam
沒有留言:
發佈留言