謝十方

近排 , 慢活中享受著大自然的 blessing 

每朝早 , 天未光約 5:30 起來 , 到附近的樹林 ,  伴著雀仔叫聲一起  [ 食氣 ] .....卯時功

今早在氣溫 9 -11 度間 , 冰冷的氣溫其實都可以很可愛 , 晨曦中吸入胸口的空氣 , 清新得像純氧一樣 , 我開始計劃緊 , 每朝早上行上山頂來回一轉 , 亦開始明白點解咁多阿伯阿嬸會有行山既習慣 , 可能....我已是聰明大叔了 .......hahha 

呢種時間仍在活動 , 記得既已經係二十多年前 , 在金鐘炒匯的日子 , 芝加哥收市後已是香港早上 4:30 , 成條大道中一架車都無 , 報販開始疊報 , 我地就在吃早餐 , 吃罷帶著疲倦之身軀 , 趕著返家睡覺 , 從沒有像這刻般欣賞著它  

今早食氣後 , 行落山下 , 經過既係一個天光墟 , 好多阿公阿婆搬晒佢地既家當出呢賣 , 果檔菜檔亦開始開鋪營業 , 我仍喜歡既係笠住個頭 , 好似全世界都包著你一樣 , 在行人路往來穿梭

入到一間舊裝茶餐廳 , 從廚房傳來既係一首 " Stevie Wonder 既 I just call to say I love U " .....正 , 該店早餐標明供應自家出產既麪包 , 捧過來既係一個新鮮出爐既牛油餐包 , 熱騰騰 .......當然 .....遠處聞到既 , 係剛出爐既 Paul Yau ....但基於一次過吃唔到咁多既關係 .....下次罷

此刻 , 感謝十方菩薩 , 給我那麼美好的一生 .....夫復何求 !!!

其實每個人一生中 , 都會遇有難題 , 不過 .....煩惱咪就係菩提囉 , 過左之後睇翻轉頭 .....好多野 ......不值一提



https://www.youtube.com/watch?v=QwOU3bnuU0k






Yam