Just for reference only
Slow Yam
2017年7月30日星期日
2017年7月28日星期五
2017年7月27日星期四
Laid back Life
最近 , 我真的進入了慢活 mode .....
慢活既定義係 , 我不再每天都緊叮著市場 , 而是 ...在重要之時間日子先上網睇睇 , 每天之上網時間比起以往減少了 80%
過了一個星期這樣的生活, 發覺健康狀態舒適左 , 專注力好左 , 多左時間對其他野留意左 ......每一樣野都能發掘出新的睇法同味道 .....仿佛又走上人生第三個階段......臨死前 .....hopefully
呢種...可能係我之後的生活了 , 人生....並不是只有 trading ....仲有好多野架
Think about it ....You guys
https://www.youtube.com/watch?v=9tmoOJDa__s
Yam
2017年7月23日星期日
Gann Square
King of David , 大衛之星.........土皇帝即係土皇帝 .....9 X 9 = 81
但係......任你點威 , 幾叻 , 幾有權有錢有勢.........咪又係要死 ........
Yam
2017年7月19日星期三
鏡花水月 , 事必有因
昨日是舊曆六月丁未月丙午日 , 應該是火氣極重之日子 , 但奈何整日滂沱大雨 , 烏天黑地 .....
現階段世間裡所有現象 / 表象都被扭曲得倒行逆施 , 今又聞得日本六月飛霜 , 睇怕都不是好現象 , 當此等非常現象撥亂反正之時 , 力量會大得人倒馬翻 , 乾坤移位 , 勢不可擋
8月日蝕剛巧印在美國之本土正中 , 90 年一次 ....... 睇呢 .........
2016 年日蝕剛印在我年盤上 , 是年入院做大手術 , 停工九個月 , 在我人生中 , 都不可算是小事 , 帶來之後遺症倒不少
Yam
2017年7月17日星期一
2017年7月15日星期六
Whom ....do u trust ......?
HSI Cash weekly chart
市面上好多假名家 , 呢時又話大牛市 , 間中又話大回調 , 跟住忘記自己講過乜 , 總之就係永遠 loop 番佢其中 [ 岩 ] 果段評論 , 出來大做文章同賣廣告 , 作下古仔 , 豐富下內容 , 支持自已既無知
其實 , 港股既統計 50 年來 , 升降日數比例係 6 / 4 比 , 以升既數為多 , 所以大部份名家評論都係 [ 講 ] 升多既 .....起碼六成會岩
在市場馳騁左咁多年 , 當然見過唔少呢種人 , 所以都永遠教導學生 , 任何人都唔好信 , 就算你老豆叫你做揸沽 , 你都要搵個理由出呢 , 跟住 .....就係在圖表找出重要線索 ~ Price & Time Ratio , 呢種 set up 阻止過我犯很多錯誤 , 令我幸免於難
若果你永遠都培養唔到呢種 sense , 仲係聽塘邊鶴講而去買賣的話 .......wish God bless U
呢幅圖 , 星期一又有好多不學無術既報章雜誌抄架啦 , 請註明出處 , 尊重下版權啦 , 香港就係你呢種人攪跨架啦
Yam
老夫子之 [ 耐人尋味 ]
我對香港政治已經冷感左 N 年 , 但當我見到呢 4 位人兄 , 我爬爆頭 , 想左 20 分鐘 , 都想唔起你地替香港市民做過 d 乜野有益有建設性既野 , 咁即係浪費公帑啦
果位捷古華拉假革命友 , 收左肥佬泥咁多年錢 , 仲要用法援律師 ....簡直可恥
結果 .....係你地自己攞呢既 ......活該
Yam -_-
2017年7月14日星期五
A little consideration
http://yamgroup2013.blogspot.hk/2017/06/wave-count-up-to-13-jun-2017.html
If 之前果個 count 在 259 變成 3 浪的話 .........
Wave 1 & Wave 5 relationship 就 ........
Yam
2017年7月13日星期四
數浪之唯一理由
我並不主張人去數所謂浪 , 因為 , 浪裡從來是一個非常複染的運動 , 但只要堅守一些簡單的原則 , 就可替你的倉位作出一個調較的動力
浪其中一個最簡單之原則 , 就是 [ 交替 ] , 如果 2 浪出現簡單形態的話 , 我地幾乎可以肯定 4 浪會出現 abcde 複染 zig zag 運動 , 若果冇既 , 即係話 3 浪仲伸延緊 .........
上兩星期之交替運動 , 好明顯是 4 浪運動 .....我地假設 4 浪完結後 , 會有一最後的 5 浪態 , 我既 256 Call 組合亦係建基於此原則下落倉 , 5 浪會在那裡完結 , 其實都有好多指引可以計算出 , 並不是坊間隨便一個亂嗡既所謂名家 , 求其講一個位就係
請記著 , 所有浪之完成 , 都要有嚴格之價格同時間之比例構成 , 行內有行內既規矩 , 無論邊個打庄 , 都要其他大型機構參與者之認同 , 除非你係 close end economic ....好似以前蘇聯咁啦 , 但最終咪又係死路一條 ....
Yam
2017年7月12日星期三
你夠薑嗎 ? Mind yr trading Risk
由於天氣太熱 , 近期又多左好多體力運動 , 飲得凍野多 , 上年出現既胃虛寒痛又再出現番 , 傳統既胃葯已經被 KO ~ 無乜用 , 被迫用上自然療法去對治
老薑 ~ 係中國幾千年傳統之民間補品 , 能驅寒 , 溫體 , 促進血液循環 , 防發炎 , 阻止血管硬化 , 防中風 , 日本人對老薑之研究更甚 , 傳聞中用生薑烤風乾後打粉 , 日常食用時如調味品般加進 , 倍增有益 , 亦有潛泳記錄保持者 ( 能在北極閉氣潛泳十多分鐘不需出水 ) 坦然佢日日吃大量之薑增強 / 保持心肺機能
昨晚之急性胃痛 , 用上半杯薑汁 , 加灸於胃脘及足三里兩穴位後 , 即時舒緩 , 如是者今晚再 encho ......不過 , 原來 [ 薑 ] 已被大媽炒高了不少 , 街市阿姐話我知 , 佢地乜都炒得廳死 , 總之民間有需要 , 就炒個不停 .....對此 , 我對阿姐只笑了一笑 , 買了幾斤薑後 , 回家了
炒 , 係一門學問 , 好難有什麼學院課程教得到你 , 我身邊既 , 越讀得書多 , 越炒得唔好 , 一半可能係經驗未夠 , 另一半 , 可能是 [ 知識障 ] , 基於佢地受既普及教育知識越多 , 就越難作出簡單之決定 , 佢地傾向經過複雜 / 邏輯之思考去 make decision , 但往往 , 在市場裡 , 太理性既機會唔多 , 非理性既機會天天都有
初生之犢 , 我多數見既係天天濫炒 , 佢地以為入場互劈 , 劈唔死既就是嬴家 , 全無考慮值搏同賠率 , 一時勁羸 , 一時輸到龜縮 , 經常改變立場 , 有時又死守唔肯斬倉 , 對風險完全不顧
過了 40 既 , 應該明白你地已經唔係好輸得了 , 因為輸鋪勁既 , 好難追得番 , 如果輸到泥足深陷既 , 更加對退休生活好大影響 , 詳細研究下乜野叫做 return on yr investment & return of yr investment , 你就明我講乜了
所以我每次落倉 , 就儘量想造到個投資組合 [ 打和或羸 ] .....咁就 very good la ......
記著 , 靠炒賣一朝發達既 , 萬中無一 , 只因 [ 運氣 ] 好難持續性留在你身邊 , 再者 [ 運氣 ] 是個非常靠不住的東西 , 所以每次出入市場 , 唔該計一計 parity 先 ! 留得青山在 , 那有沙頭角呢 .....而家 , 青山果邊既樓價 , 都追不上沙頭角了
By the way 我用果把刀都幾 Gann 下 ......777
Yam : \
Lock 倉
http://yamgroup2013.blogspot.hk/2017/07/trendline.html
現價格用淡倉鎖定部份期權 , 組成打和或再贏組合 .......零成本睇晒兩邊 , 任佢行
Yam
2017年7月9日星期日
時也命也
命主出生日太陽與木星成三角狀態 , 呢種命天生容易揚名 , 蓋木星為名譽地位之代表 , 但亦因太陽同樣是光芒萬象之來源 , 兩星不免互相反涉 , 造成反效果
其人於 55 歲得 Nobel Peace prize 乃係由海王及木星牽動 , 我唔會覺得意外 , 但由於當事人之木星亦與冥王相合 , 所以佢既光輝背後 ~ 其實係有點陰暗面 ....如果你睇翻當時國際形勢 , 你就會明
命主盤內出現了兩個明顯之幾何 .....長方 / 梯形 , 呢兩種人性格上比較偏執 , 亦相當執著 , 無人勸得佢聽
現時命主已患肝病 , 其實中國國內作家 , 終日煙酒沾身 , 有肝病亦相當平常 , 外界亦不必假作任何惴測 , 佢既病一早已在盤中暗藏殺機 , 表露無遺 , 主線索是 lilith ...黑月
幾時玩完 ? 今年生日前後 45 天內 , 不必醫了 ...........過到既 , 去皈依吧
" 占星相命並非精密之科學 , 不可盡信 " , 只是講既人學藝不精
Yam
2017年7月8日星期六
你 ....想
今天.....第 n 天 ....呆在下雨天的屋裡
互聯網上過日神 , 見到隻米老鼠表 , 記起童年時打過的一個大妄想 ~ 在家中見到隔離個靚仔帶著隻米老鼠表 , 係佢老豆買俾佢既 , 跟住我就想盡辦法 , 扭盡六壬 , 以 3 天不吃飯既代價 , 要脅老媽子買給我
奈何 , 童年時不知 / 理家中窮 , 但花幾十元 ( 現等值千多二千元 ) 買一隻冇乜用既錶 , 放在一個孩子手上 , 又唔知其他兄弟要不要買 , 老媽當然有點兒難作出決定
媽子又不想我唔開心 , 所以在街市買左幾隻膠既 , 兼且唔識郁既仿真度得 6 成既米老表給我們 ( 現應該叫 B 貨掛 ) , 我當時望住隻表 , 大發脾氣 , 更甚既 , 將佢拋擲 ......
今天見番呢隻表 , 其實有非常唔同之感覺 , 唔好誤會 , 唔係當年識唔識諗 , 難為了媽媽既問題 , 而係 ......欲念 , 原來只是當時當刻先有欲火焚身感覺 , 當刻 , 真係好似無佢唔得 , 一定要想盡所有方法 .....擁有左先有快感
至於難為了媽媽的問題 , 我諗無一個細路有咁既大智慧 , 去避免難為你媽媽既
如果我地可以凡事 , 都以幾十年後既睇法去諗諗 , 將當時即時要擁有既感覺放淡 , 我諗 , 我地會智慧一點 !!
望住網上既米老鼠表 , 此刻既感覺 , 不在米老 , 是在媽子 ......當時媽子比我現在之年齡年輕 , 已有智慧去買隻 B 貨 ....而佢 , 貧窮得只讀過小學
Yam
2017年7月7日星期五
Quarterly Macro HSI cash chart
HSI yearly chart
HSI quarterly chart
Trading Range should be within 258 ~ 236
Just for reference only
Yam
Raw Data does it all
15 mins chart
無數人花上 n 年既時間同心血 , 去 develop / 完善佢地既 trading system 及交易系統 , 個個都有殺手橺 , 但亦個個都跌入左自己設定之陷阱裡而懞然不知 , 因為當佢地設計一條鬼腳 / 系統路時 , 總會倚重一 d 佢地善長而又慣用之邏輯去 interpret 佢地所知既市場 , 久而久之 , 其實就是被自製之系統所 hypnotize , 漸漸深入系統之迷惑裡
試想下由始至終 , 如果我只係俾一些 raw data 你 .....開高低收 4 口價 , 你會點樣串連佢而能夠演繹出有預測趨勢能力既方法呢 ? 睇怕你就只會得出最簡單既兩個結論 , 就是時間同價格比例 , 時間既對比表達出趨勢之長短 , 價格之大小表達出趨勢之強弱 , 兩句說話已經講晒 .....簡而清
就算 trade 左咁多年 , 我都仍然依循呢個王道去做野 , 在決定趨勢向上或下之前 , 總會找出一個可以倚重之 R 或 S ....果個位一定要有比例關係 ( 無論你找到既比例係岩定錯 ) , 最好時間同價格都有 .........無數既歷史話我知 , 每一個 swing 都應該有 , 大至年線圖 , 細至分鐘圖 , 若果搵唔到既 , 唔 trade , 因為你唔知幾時個趨勢會反轉 , 從而無法定出幾時出場 / 止蝕點 , 定唔到止蝕 , 即係定唔到 parity 值搏 .....
用最簡單既 raw data , 係無得錯既 , 見山是山 , 就是如此 , 希望你地多留意呢一點 !
Yam
2017年7月6日星期四
Trading Parity
Think about those price level and trading parity ............especially [ Bar chart Pattern ]
Yam
認真 ? How
July astro aspect list
昨晚在股票期權分享會 , 有舊 / 前學生同我講 , 做緊好多 astro research 去 backup 市場轉勢日 , 輔助 trading
我當然鼓勵你地做更多既研究啦 , 因為我自己到今時今日都仍在研究中 ........不過 , 你一定要好肯定 , 你研究既東西係有個有邏輯既 norm 先得 , 若果唔係 , 當好多冇關係既野 , 走埋一齊既時候 , 你會變得無所適從 , 兩邊矛盾
舉個例 , 以上既圖表係七月既 astro aspect chart , 多到你睇到都暈左响道 , 你點樣定義出邊 d 野對你有興趣既市場 [ 真係 ] 有作用 , 呢個先係決定性既取捨 , 但在我既天星研究中 , 結論同 Constance Brown 一樣 , 同時同地其實真係有唔同既星象野同時發生作用 , 並不單一 , 要在 complex 既情況下 , 篩選出單一行為 , 已經 overrule 左 trading 既 50 / 50 parity ....即係話 , 無任何信念同睇法既人 , 就咁入場既贏輸比率係一半一半 , 如果你在天星研究既 [ 確定率 ] 低於 50 / 50 ......咁其實同一個乜都唔知既人冇分別
最後就係 , 作為一個要賺錢為生既 trader , 我建議你先抓住一個 [ 生存 ] 技巧 , 可以在市場立足之後 , 有空閒既時間 , 不坊再作進一步研究 , 搵出更多市場之先機 , 增加勝算
仲有就係 , 我可以好肯定咁話你知 , 起碼有十樣八樣天星東西 , 可以同時 [ 移動 ] 市場 , 非常 complex , 就如 Gann 講的 : 在該隻個股波動之同時 , 其他星象亦在波動而互相影響
千萬別相信有人話用什麼簡單既方法 , 就可以窺探市場之全貌 .....Bullshit ....如果咁易 , 成地富豪啦 , 仲有人打工咩 !!!
Yam
Full House Tonight 是晚滿座
今晚 , 眾多新舊朋友冒著風和雨 , 準時參加左我地既股票期權分享會
呢個係一個一世人無幾多次既機會 , 能夠目睹強者點樣在市場搵大錢既技倆 , 希望能帶給你們人生新的希望和喜悅 , 做足準備走上另一條可能成功的黃金光輝路
Data mining 係大數據時代裡爭相馳騁出現既野 , 你掘得有幾深 , 就得到有幾多 , 所以唔好怕辛苦 , 你有幾勤力 , 就會有幾富貴 .......呢句說話對每個人都適用
世上無難事 只怕有心人 , 既然我地已經帶到你去門口 ........你入去與否就自己決定啦 ! 全美一叮總決賽 .....預左你啦
See U next month
Yam Group Gann Research
標準 Trendline
呢個就係標準專業 Trendline 既畫法.......以三點相連確認重要 .......先再穿位 ! 好野
所以以前成日都教你地要用 3 點 ......先係正規既技巧 , 以後識畫啦
基於時間關係 , 今天已落左倉了 , 炒期 ....當過下日神好啦 , 唔好太搏命 , 你地知點解架啦 !!!
Yam
2017年7月5日星期三
2017年7月4日星期二
Notice ~ 有關股票期權第一屆聚會
http://yamgroup2013.blogspot.hk/2017/03/blog-post_22.html
第一屆 [ 股票期權 ] 分享會將於明晚舉行 , 已參加之前介紹會及已填報名表並收到 email 通知之朋友 , 請準時出席 , 把握一個切切實實去 [ 發夢 ] 的機會
我一生都在 [ 發夢 ] ....hope U are having a good dream too !!!
See U tomorrow night !
Regds
Yam Group Gann Research
訂閱：
文章 (Atom)