錯誤帶來進步 , 反思帶來新意

今晚重睇既唔係拍到爛既東邪西毒傳 , 而係一本 Constance Brown 寫既舊書 .....Technical Analysis for the Trading Professional 


如果本書真係好書的話 , 當你不同時間去重睇既時候 , 都會有新既感受 / 得著 , 本書從來無變 , 變既係你進步緊既技巧 , 仲有就係唔同左既 EQ .....最後就係你成熟左既炒賣經驗


在該本書裡 ,  時值 2011 , 我同 C9 對市場都幾乎有同一個睇法 ....因為某種重要 astrological factor 重複到臨 , 成個美國經濟 / 股市都會形成一個強大既回落沽售潮 , 到現在翻睇果幅圖 , 開始明白美國點解要在該個時段 , 開始了全球 QE , 如今 , 道指既水位 / target 亦基於 action and reaction force 既關係 , 到左現水平逞現膠著狀態 


Constance Brown 自從預測錯左果次之後 ( 其實係市場有形之手作怪 )   , 聲名已大不如前 .....更甚既離開左 NY , 走左去 Carolina  牧場養馬 ....過著一些簡單生活 , 等待下一次機會 , 亦因為咁 , 我冀待既 Mastering Elliot wave principle 第二本 .....亦遙遙無期了  ( 都岩架 , 如果寫出來又俾人翻版抄的話 , 不如不寫 .......我明 ) 


從呢個例子 , 我開始明白 , 無論你去到天比高都好 , 重要既係 , 個天俾得你知既野 , 又未必俾得全世界知 , 為名為利 ....最終都無乜好日子過 , 所以 , 我從來無考慮大做廣告去催告自己 , 到現在 , 更加好少出席大場合 , 亦有過幾本雜誌 / 出版社搵我寫書 , 再終都不了了知 , 原因 ...都係 ....想過平凡人既生活 , 自自在在 ....


講真 , 求出名最終咪又係為錢 , 如果已經有能力搵錢既 ....又何需靠名 ?   除非你真係無能力啦 


想到呢道 , 又想計劃下我下一個人生行程了 .....



Happy weekend !




Yam     -_-





2017 Yam Group Day Trade LIVE 即市工作坊 ( 深造班 )
http://yamgroup2013.blogspot.hk/2017/05/2017-yam-group-day-trade.html