邊個夠我癲

論到攪癲 / 天星 , 我諗我都算係大孖沙了


英文天文星曆我有 3 - 4 本 , 中文既 4 - 5 本  , 天星電腦軟件 6 - 7 個 , 當然 ...有既係買既 , 有既係 ...你明既

由於我以前炒賣係以 Technical Indicator  為主 , 初頭 , 道聽途說聽聞江恩係因為靠星星去預測市場 , 所以好準 , 攪到我心郁郁 , 的起心干去研究呢門學問 , 花既時間 , 應該都達到一萬小時了 , 亦輸左好多錢去試 , 因為齋研究唔試 , 同塘邊隻學無分別 , 亦都唔上心 , 可以話你知 , 我大大話話曾經輸左四份一層樓 

當遇上了 Larry Presavento , 聽到佢同我都有同一糟遇 , 大家都笑起上呢 ...真.....笨....實 , 有接觸過佢既應該知 , 佢係因為用天星測市押重注 , 攪到幾乎破產既 , 好在佢識收 .....不至去到不能自拔既地步 , 我覺得...其實係佢既衰運剛行完救左佢 

及後........ 我指既係近呢幾年 , 佢出左本書 , 有關天星既 , 我就知佢已經接近到步了 .....

到步既意思係 , 佢同以前唔同左 , 當佢搵到一些高 parity 既天文現象後 , 而佢又認為會好影響市場的話 , 佢都會用埋其他野去 judge 過 , 先決定落幾重注 , 就等同我地 Yam Group 教過既 PPTV , 反過來說 , 若果冇  Price / Time / Pattern  三樣野 harmonic 的話 , 果個機會可能係假既 ! 

再補充一點 , 我同  Larry 又或  Merriman  睇法都係一樣 , [ 可以信 ]  既天星現象都應該係一些比較大眾化 , 在天星炒作界大家都知既大形 Phenomenon , 仲係  [ 一等星 ]  既現象 , 咁就可行性高好多了 

問題來了 , 大形星象 , 又唔係好多 , 一年一兩次 , 可能兩年先三次 , 其他時間攪乜呢 ?  

俾個貼士你 , 外國既天星友多數係休息 , 釣下魚 , 等待接近必嬴既機會 , 先一鋪重鎚狙擊 ....因為佢地知道有好多人 / 炒家會幫手 , 如果在其他日子 , 可能會勢孤力弱 , 成效不大

但有一樣野你要記住 , 就係 ...除左天星知識外 , 買賣既技巧同樣係致勝不可少既原素 , 睇圖 , 判市....絕對要熟 , indicator 就當然要重視啦 , Pattern 係致命既一環 , 點樣可以分別趨勢成熟而即將發展出來 , 就是成功的開始 , 趨勢中間點樣判斷轉勢與否 , 更加係令你食得住大趨勢既大前題

所以平常有時間既 , 多吸收技術分析既多樣化 , 多鍛鍊自已既耐性 , Trading  EQ  ....etc  , 我冇話天星唔攪得 , 而係 ....用其他功夫搵到食先攪啦 , 一係....你有錢去輸到破產先啦 , 四叔個仔 

我最近睇到一本物理學書 , 佢話  [ 一飛沖天需要累積能量 .....物質的相變 ]  個標題幾正確 , 任何野都由質變而量變 ....累積夠就能一飛沖 [ 癲 ]  , 本書封面仲過引 .....[ 在這個不確定的年代 , 靠山山倒 , 靠人人跑 , 還是靠物理最好 ......]  


我就話 .....靠知識 , 靠經驗最好 , 因為呢 d 野無人搶到你既 !  這是你懂的 !




Yam