FAQ 文字版

Dear Yam ,


你好，我叫  XXXX 。其實早於 2013 年開始留你的 yahoo blog，也上過你在炮台山地鐵站附近 host 過的分享班，對你的提議的方法其實都一直有興趣研究。

不過，小弟碰巧暫時要移居美國，故一直再未能參與你的分享小組，實感到可惜。但小弟仍想研究香港巿場。

其實我一直都有睇你個 blog，但當然，你為了不給人隨便抄襲，故寫得比較隱晦令其他人無咁易抄襲你的見解。可惜小弟一直未有跟得上。不知 Yam 你可否指點一下，或者有無些書目、或網站資訊可以分享一下，令小弟可以更易理解你在 blog 的分享。

另外，身處海外的我又有無另類方法可以參與到你的分享會呢？

祝身體健康 生活愉快

Thanks,



___________________________________________________________________________________________________



Hi   XXXX

Tks for supporting our Group !

我想 , 首先你要考慮自己其實要乜 ?  錢 ?  炒賣技術 ? 炒賣研究 ?

如果係錢 , 世界上仲有好多方法可以搵到 , 唔駛一定要炒既 , 如果係炒賣技術 ....世界都有好多樣不同既炒賣工具同技巧 , 若果係最後既 [ 攪研究 ] , 我諗要研究江恩既野 , 起碼 10 年 ....所以世界上真的達到江恩水平既專家唔多 , 數埋唔夠十個 ......我排第 108 個 , 未入流

就如我第一篇文章講既一樣 , 個世界無變過 , 網上都仍係充塞著江恩廣告 ( 是否騙人既唔知 , 因為多到試唔晒 ) , 我知道好多人花左唔少錢去買 / 參加課程 , 最後 ....都失望而去 , 落差好大

大部份原因 , 應該係想學既人 , 希望有 shortcut 去搵到一套炒賣功夫 , 取締自己要研究既時間 .....呢個觀念係最錯既 , 我早幾日在 blog 都回答過相關問題 ~ 如果炒賣既人 , 連做決定既練習機會都假手於人 , 咁當事人就永遠都唔懂得 pull the trigger , 有方法那怕用不上 , 遇到問題時亦不懂變通

至於怎樣開始學江恩 , 我諗....最基本既 technical analysis 知識一定要有 , 若果唔係 , 你唔可能與江恩之方法融合 , 亦唔知點解江恩要咁做 , 最多人犯既錯誤 , 就係用現代既觀念 , 去嘗試理解江恩做乜 .....正確既答案應該係回到從前 , 用番百多年前既思考模式去理解江恩點解要咁做

江恩重視既 ...係統計市場歷史波幅發生既 [ 頻率 ] 同 [ 原因 ]  , 你應該能從 " 華爾街 45 年 " 一書得到重要的思路 , 單單這本書已經可以建立一個完善既出入市模式 , 其他既無謂研究 , 可免則免 ...

我在 Blog 內之示範及演繹 , 唔可能理解得晒 , 因為太複雜 ....搵錢 ....越簡單會越好既 !  切記

我已無意願去再攪分享會了 , 或者...緣起緣滅了


Wish you having a happy life out there !

Regds
Yam Group Gann Research
Yam