我成日都鼓勵你地要有夢想 , 而不是亂想 , 亂想可以天馬行空 , 但夢想...則要有完善之計劃 , 精確的計算 , 嚴謹地踏實去執行先有機會成功
江恩行過的路 , 我同樣行過 , 從江恩之歷史里程去睇 , 佢早期往往同一般炒家一樣 , 時得時失 , 及後經過技術改良 , 加上經驗累進之後 , 佢已懂得因時濟遇 , 等候較高贏面出現之時間先落場 , 所以可以做到勝算在握 , 錯時減少損失而保持客觀 , 贏時常勝之地步
我地明白呢個遊戲既潛規則 , 都只是在數手指 , 考耐性 , 連江恩後期都唔做短期買賣既決定 , 你亦應該戒掉幾日一次既轉勢考慮 , 原因並不是做唔到 , 而係 [ 你 ] 未必做到而矣 , 在咁短既操盤時間窗裡 , 考既唔單止是炒家之技巧 , 仲有經驗 , 決斷 , 同執行能力 , 錯對可以輪流間斷在同時發生 , 冇咁高既腦筋轉數同經驗 , 唔可能做到
可能有人認為日日炒會贏多 d , 我諗...呢個觀念係傳媒俾錯你既 ..... 出出入入 , 贏下輸下 , 最終最大機會是打和 , 益左經紀 / 證券行 , 炒齡較新經驗較淺既 , 目標應該是 [ 沉澱 ] 技術之餘 , 同時累積一個較大之資金池 , 資金大了 , 收放自如 , 炒時都輕鬆 d , 所謂財不入急門 , 賭場裡輸錢既永遠都是急進的人
方法其實應該等一個大頂底出現 , 坐佢一年半載 , 咁就起家了 , 一年總有一頂一底 , 問下自己上年既底頂時你諗緊乜 , 就明了 ....如果你係忙緊在短期翻騰 day trade ...咁就無法啦 , 因為風險一樣 , 你贏既就只不過是一佰幾十點 , 大頂炒家坐岩贏既 , 可能係幾千點以上
一旦建立了個人既資金池 , 在時間上 , 資金上 , 都較為容易駕馭 , 做決定既時候 , 更可以慢條斯理 .....我可以大膽敢話過你知 , 你越想落既果轉 trade , 通常係錯既 , 反過來說 , 經過心思熟慮 , 精密盤算風險既 , 錯都有個譜 , 兩者取其長 , 你便可以慢慢坐在贏既一方 , 用錢幫你搵錢了
As Soros said : Good biz is boring biz
各位咸魚 Sir , 條命係你地自決定既 , 我要講既只係咁多 ....飲杯 !
Happy Weekend !
https://www.youtube.com/watch?v=1SiylvmFI_8
Yam
沒有留言:
發佈留言